DILI, STLTIMORLESTE.com – Tinan nee Instituto Ciência Saude (ICS) sei sosa ekipamentus ba laboratoriu departamentu farmacia, hodi bele fasilita estudantes sira halao pratika.
Reitor Instituto Ciência Saude (ICS), Leao Borges hatete, antes nee iha ona ekipamentus pratika nian ba estudantes sira, agora ho subvensaun nee hanesan kompleta deit. Tinan ida nee sei sosa tan ekipamentus ba laboratoriu departamentu farmacia, sira sei haree liu ba farmacia ninia, tanba farmacia nee mak ninia ekipamentus sei menus.
“Kona-ba ami nian ekipamentus pratika nian ba estudantes nee sufisiente, tanba liu husi apoiu subvensaun durante nee husi MESSK, nee ami sosa ekipamentus dua puluan ribu nee. Nee ekipamentus iha laboratoriu pratika ninia, ba iha departamentu infarmajen, parteira, nutrisaun, farmacia, laboratoriu, nee duni kona-ba ekipamentus pratika nian ba estudantes sira nee ita bele dehan sufisiente hela,” dehan Reitor Instituto Ciência Saude (ICS), Leao Borges ba STL iha nia knaar fatin, Sesta nee (17/04/2026).
Nia informa, kona-ba sala pratika nian ba estudantes sira nee diak, tanba sala pratika nian nee ketak, departamentu lima nee ninia ekipamentus pratika nian ba estudantes sufisiente hela, ciência biomedika laboratoriais.
(jac)
