DILI, STLTIMORLESTE.com – Relasiona ho kazu neebe akontese iha Universidade Nasional Timor Lorosae (UNTL) kona-ba osan, Komisariu Komisaun Anti Korrupsaun (KAK) deklara, tempu badak sei konklui investigasaun hodi submete ba iha Ministeriu Publiku.
Tuir Komisariu KAK, Rui Pereira katak, kazu UNTL nian deskonfia osan iha UNTL nia manajemen la diak, sira husu KAK atu halo intervensaun. KAK iha area prevensaun nian rekolha uluk dadus, dadus sira nee mak iha bele hatoo partisipasaun ba iha Ministeriu Publiku, katak iha buat ruma mosu iha UNTL.
“Kazu UNTL balu ami prosesu daudaun ona, tempu besik ami sei konklui no entrega ba iha Ministeriu Publiku,” dehan Komisariu ba jornalista sira iha Farol, Sesta (32/02/2025).
Nia sublina, KAK kuandu ba halo buska kumpri ba iha kodigu prosesu penal, atu asegura ema labele subar dokumentus no hamoos file, tanba nee urjentemente atu asegura dokumentus sira nee, maibe la singnifika ema sira neebe halo buska automatikamente tenke sai arguidu. Buat hotu tenke haree provas neebe produs nee kontribui ba nia estatutu hanesan arguidu ka lae, maibe KAK nia poder iha investigasaun deit.
(ter)
