BAUKAU, STLTIMORLESTE.com – Hafoin Sua Santidade Papa Francisco remata nia vizita iha Timor Leste, nafatin hatoo lia menon mai, tanba domin ho fuan.
Papa Francisco nia vizita mai Timor Leste durante loron 3, neebe hahu 09-11 Setembru 2024, bainhira remata nia vizita iha Timor kontinua kedas ba vizita nasaun neebe sai tarjetu.
Maibe iha fulan Outubru 2024, reprezentante Santa Se ba Timor Leste, Mgr. Marco Sprizzi ba hasoru malu ho Papa Francisco iha Roma, neebe Papa Francisco rasik hameno atu Timoroan sira labele haluhan mensajen importante neebe durante iha nia vizita hatoo hela ba Timoroan sira.
“Iha fulan Outubru liu ba hau hasoru Santo Padre, depois nia mai vizita ita nia rai, Santo Padre repete mai hau, hau gosta tebes, Timor mak hau nia doben. Nia fo hanoin mai hau, atu dehan ba ita hotu Timoroan atu labele haluhan menjasen neebe nia husik hela mai ita iha nia vizita mai ita nia rai,” haktuir reprezentante Santa Se ba Timor-Leste Mgr. Marco Sprizzi iha Fatumaka, bainhira prezide misa selebra tinan 100 primeiru espedisaun iha Timor, Sesta (31/01/2025).
Marco Sprizzi haktuir tan, Sua Santidade Papa Francisco partikularmente sujere buat 2 ba joven Timoroan, ida neebe importante atu joven hotu hatene mak, enkoraja joven sira tenke halo barulhu, neebe signifikan katak joven labele sai joven triples, maibe haksolok nafatin.
Nunee mos enkoraja formador sira atu kontinua inspira no motiva joven sira, atu nunee joven sira kontinua haksolok ba nafatin.
“Buat rua neebe nia dehan, mak relasaun neebe furak, kmook liu entre joven sira no ferik katuas sira,” Marco Sprizzi akresenta.
Mensajen importante seluk mak, ba uma Salezianu sira atu kria enerjia sabedoria atu katuas sira fahe esperiensia matenek ba joven sira, nunee iha pasiensia haksolok atu hakoli sira neebe idade ona.
(EST 2)