DILI, STLTIMORLESTE.com – Governu hamutuk ho Prezidente Republika presiza halo preparasaun didiak, kompleta kriteria neebe iha, nunee tinan 2025 Timor Leste (TL) bele tama iha ASEAN.
Lia hirak nee hatoo husi Feto Potensial Maria Amaral ba STL liu husi telefone, Segunda (16/12/2024).
Nia dehan, antes nee Primeiru Ministru no Prezidente Republika deklara ona katak, 2025 rama ona ASEAN, ida nee presiza prepara halo didiak nunee bele tama ASEAN.
“Labele koalia deit, maibe la realiza tanba deklarasaun nee mai husi Prezidente Republika no Primeiru Ministru rasik, katak Timor Leste sei tama membru ASEAN permanente iha 2025, husu Governu halo esforsu makaas nunee iha 2025 Timor Leste bele tama ASEAN,” katak nia.
Nia husu atu halo preparasaun diak, nunee bele kompletu Doad Mad neebe iha, nunee iha 2025 bele tama membru ASEAN permanente.
Prezidnete Republika, Jose Ramos Horta hatete, Timor Leste tama ASEAN iha 2025, maibe iha sa fulan mak sedauk hatene.
Tanba nee 2025 Timor Leste laos 100% prontu, Road Mad 100% implementadu maibe iha rai seluk membru ASEAN balun tama tinan 20 ona sai membru ASEAN mos seidauk kompleta Road Mad sira nia rasik.
Timor Leste kompleta ona buat barak bele tama iha 2025 no kontinua prosesu sosializasaun nasaun nia prosesu ratifikasaun tratadu implementasaun no tratadu ba Timor Leste nia Lei.
No iha fulan mai sei halo servisu makaas tebes hodi halo preparasaun masimu nunee Timor Leste bele tama iha membru ASEAN.
(eme)
