DILI, STLTIMORLESTE.com – Governu liu husi Ministeriu Saude (MS) neebe halo sosializasaun liu-liu ba tratamentu saude, Timor Leste (TL) iha ona esperiensia no kapasidade estandarizaun nasional atu halo seguransa ba saude primaria publiku.
“Ita nia mediku espesial sira bainhira halo tratamentu ba saude, bazeia ba sira nia konhesimentu deit, maibe husi sosializaun sira liu-liu kona-ba halo tratamentu saude primaria no sekundaria TL iha esperiensia estandarizaun nasional, oinsa bele asegura saude publiku iha rai laran,” dehan Diretor Servisu Saude Munisipiu Ermera (DSSME), Doutor Antonio de Deus Fatima ba jornalista sira iha Timor Plaza Dili, Kinta (19/12/2024).
Tanba tuir nia, espriensia neebe mediku espsial sira iha, oinsa bele uza hodi halo salva-guarda ba saude hotu-hotu iha publiku, liu-liu halo tratamentu diak ba saude primaria no sekundaria iha hospital referal no nasional sira.
Esperiensia Estandarizasaun nasional atu halo tratamentu diak ba saude primaria no sekundaria nian, estudu ida nee hahu iha 2014 too 2024, hafoin hatudu dokumentu no peskiza sira, oinsa bele halo sosializaun neebe diak, bainhira halo tratamentu saude primaria no sekundaria nian.
Iha sorin seluk, komisaun elborasaun ba matadalan Saude Primaria, Doutora Gezarina Gomes Fernandes hatete, importante liu atu asegura no halo tratamentu diak ba nesesidade saude nian, presiza hahu husi tratamentu diak iha saude primaria, sekundaria no tersiaria, nunee kondisaun bele saudavel nafatin.
Tanba matadalan saude nian bazeia ba moras oin-oin neebe komunidade Timoroan barak hasoru, hanesan moras urinaria, inan isin rua nian, saude reprodutiva, matan, tilun no moras sira seluk, entaun mediku sira presiza halo sosializasaun makaas, oinsa bele halao tratamentu diak iha saude primaria nian.
Entretantu Doutor Agustino Barreto dehan, matadalan halo tratamentu ba saude primaria, sekundaria no tersiaria, nee importante tebes ba mediku sira hotu atu iha konheseimentu diak bainhira halo tratamentu, tanba nee fiar katak matadalan ida bele ajuda mediku sira hotu iha Timor Leste.
(EST 1)
