DILI, STLTIMORLESTE.com – UNICEF entrega ekipamentu ba Ministeriu Edukasaun (ME) hodi fo apoiu ba eskola iha Munisipiu tolu, hanesan Ermera, Likisa no Ainaro.
Ministra Edukasaun (ME), Dulce de Jesus Soares dehan, UNICEF hanesan parseiru tempu naruk ona ho ME fo apoiu komputadores, tablet, iha mos ekipamentu eletroniku seluk tan, inklui mos jerador neebe mak fo apoiu ba munisipiu tolu, Ermera, Likisa ho Ainaro, ba eskola sira neebe mak halo hela programa sira neebe mak iha mentor sira fo atendimentu iha eskola sira, inklui UNICEF mos fo apoiu kona-ba ida nee, sira mos fo apoiu iha ekipamentu.
“Ita agradese tebes-tebes ho ida nee, ita bele reforsa liu tan ita nian programa sai hanesan programa governu, se ita iha ekipamentu sira nee hotu sei ajuda tebes-tebes ita nian profesores, estudante, para bele halo sira nian prosesu aprendizajen, nunee mos jestaun eskolar,” afirma Dulce ba jornalista sira iha edifisiu ME, Tersa nee (17/12/2024).
Nia hatutan, tablet iha trezentus, jerador, televizaun tolu nolu, laptop tolu nolu, fo ba eskola sira neebe iha munisipiu tolu neebe mak ohin mensiona, ekipamentu nee 30 ba munisipiu tolu, kada munisipiu eskola 10 mak sei simu ekipamentu ida nee.
(jac)
