DILI, STLTIMORLESTE.com – UNICEF entrega ekipamentus teknolojia informasaun no komunikasaun ba Ministériu Edukasaun (ME), ho objetivu atu bele hadia ensinu aprendizajen iha aula.
Liafuan nee hatoo husi Ministra Edukasaun (ME), Dulce de Jesus Soares ba jornalista iha salaun Ian Martin Balide Kinta nee (16/07/2026).
“Prosesu halo revizaun ba ita nian curriculum, neebe mak ita adopta curriculum seklu 21, iha nee ba ciclu 21 teknolojia sai parte importante ida husi curriculum seklu 21, se ita nian curriculum ita uza ona aplika ona teknojia signifika katak, ita mos tenke iha ekipamentus nee rasik, ME Servisu ho UNICEF ho parseiru seluk, hanesan Unicef ohin UNICEF husi Franca, NGO husi Australia nomos husi Corea fo apoiu ba ME, hodi fornese ekipamentus sira oi-oin,” afirma ME, Dulce
Governante nee hatutan, iha pasadu Unicef mos hetan apoiu husi UNDP, nunee mos Ministeriu rasik halo aprovizionamentu ba ekipamentus hanesan agora haree iha ensinu sekundariu sira maioria uza ona komputador laboratorium ba materia multimedia nian.
“Ita kontinua tau esforsu atu bele kompleta ekipamentus Sira, mezmu tempu fo formasaun ba professores sira bele uza duni ekipamentus sira nee, mezmu ita iha ekipamentus, ita laiha preparasaun diak ba professores, ho ida nee liu husi Infordepe mos halo formasaun aplika meus oi-oin, atu professor sira bele muda uituan sira nian maneira hanorin,aproximasaun sira nee hotu obriga ema hotu-hotu atu uza teknolojia hp lolos,” nia esplika.
Tuir ME Dulce, koalia konaba teknojia, iha politika Ministeriu Eduksaun nian mos halo politika oinsa mak proteje uza teknolojia nee ho lolos, nomos hanoin ho situasaun agora dadaun nee hetan apoiu barak teb-tebes, apoiu ba iha kompleta teknolojia iha eskola sira.
Nunee mos Reprezentante Unicef iha Timor Leste, Patrizia de Geovani dehan, ohin loron Unicef hamutuk ho ME, Mai entrega ekipamentus teknolojia informasaun no komunikasaun ba Ministériu Eduksaun (ME), ho objetivu atu bele oinsa hadia ensinu de aprendizajen iha aula laran, nunee mos manorin no estudantes sira.
“Nunee mos atu oinsa bele hadia abilidade ceclu 21 ba ita nian estudantes sira, iha oportunidade ida nee hakarak hatoo agradese ba doador sira,hanesan liu husi UNICEF Franca, liu husi Unicef Corea nian,nomos koperasaun ho NGO Australia nian,liu husi UNICEF Australia nian, total ekipamentus rihun atus tolu,” katak nia.
(jac)
