DILI, STLTIMORLESTE.com – Presiza valoriza direitu feto no labirik ho diak, tanba feto luta atu limita direitu ba sistema patriarkal iha Timor Leste (TL).
“Ita seidauk tau prioridade masimu, oinsa bele halo limitasaun ba direitu sistema patriarkal nian, oinsa bele fo valor ba direitu feto sira hodi separa direitu entre feto ho mane nee hanesan,” dehan Eis kandidatura Prezidente Republika (PR), Milena Pires hafoin nia diskursu iha Farol, Dili, Tersa (03/12/2024).
Feto nia direitu tuir nia importante tebes, tanba nee presiza valoriza ho diak atu labele hetan violensia domestika, hodi fo liberdade ba feto atu inklina iha setor sira, atu haburas dezenvolvimentu nasional.
Tanba feto labele fo limitasaun ba sira nia direitu, maibe valoriza nafatin feto nia direitu atu hatudu nia maturidade no kapasidade sira nuudar feto, hodi kontribui ba sosiedade Timor Leste neebe seidauk dezenvolve ho diak, liu-liu hasae konhesimentu feto no labarik feto, hodi luta kontra violensia domestika iha rai laran.
Iha sorin seluk, Prezidente Boar Forum Komunikasaun Feto Timor Leste (FOKUPERS), Maria Domingas Fernandes Alves dehan, direitu feto nee sai pilar importante ida iha sosiedade, tanba nee presiza fo valor no dignifika direitu atu labele hetan diskriminasaun, violensia seksual, ekonomia no violinesia sira neebe bele limita feto nia direitu.
Tanba feto ho mane iha diretu hanesan atu asesu ba kontestu politika, ekonomia no sira seluk, hodi bele fo suporta no dezenvolve ba nesesidade neebe feto hakarak, tanba nee feto tenke iha asesmentu neebe diak, atu hetan diretu neebe fo valor diak ba ema hotu.
Entretantu Diretora Ezekutiva FOKUPERS, Domingas Afonco Amaral esplika, husi meiu halo kampanha ativizmu hodi luta kontra violensia hasoru feto no labarik-feto, Fokupers bolu nafatin ema hothotu nia atensaun, atu bele hamutuk halo mudansa ba Timor Leste ida neebe hakribi violensia hasoru feto no labarik-feto.
(jen)
