DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Prezidente Republika Jose Ramos Horta la rekomenda ba Governu atu kria mekanizmu ba eis titulares sira.
Primeiru Ministru Kay Rala Xanana Gusmão ba jornalista sira, bainhira remata halo enkontru semanal ho Prezidente Republika Jose Ramos Horta iha palasiu Prezidensial Nicolau Lobato, Bairo Pite, Kinta nee (02/04/2026) hatete, ohin halo enkontru Prezidente Republika la rekomenda buat ruma ba Governu atu kria mekanizmu ba eis titulares sira.
“Ohin ami la koalia ida nee, hodi apoiu ba eis titular portantu ohin prezidente la temi ida nee,” dehan Primeiru Ministru Kay Rala Xanana Gusmão.
Maibe antes nee Prezidente Republika dehan, sei husu Governu atu tau atensaun hodi kria lei ruma apoiu ba eis titulares hatan ba kestaun nee Primeiru Ministru hatete, “husu be ohin ami la koalia nee nia husu ba se? husu ba ita boot? Ohin foin ami hasoru malu koalia mak tun mai la fiar ba mesak iha neeba husu tok hau telefone laiha be hau laliga buat nee ida,” katak PM Xanana.
Maibe antes nee Prezidente Republika rasik hatoo ba media katak Prezidente koalia ona ho Primeiru Ministru iha enkontru semanal sira liu ba, hatan ba kestaun nee Primeiru Ministru hatete seidauk hatoo ida nee imformasaun lalos, lalos tanba rusia mai rusia mai livru entrada dehan fali MoU fali CNE hanoin buka ida nee.
Xefe Governu hatete, Governu seidauk simu informasaun, no kona-ba lei pensaun mensal Vitalisia nee se mak hatama ba Tribunal no PDHJ, se PDHJ mak hatama entaun resposta ba sira lai.
Foin lalais Prezidente Republika Jose Ramos Horta hatete, nia husu Primeiru Ministru Kay Rala Xanana Gusmão kria mekanizmu ruma nunee kontinua apoiu ba eis titulares sira tanba sira fo aan tomak hodi luta rai nee ba hetan indepedensia.
Prezidente Republika hatete, relasiona ho Tribunal Rekursu deklara konstitusional ba Lei Pensaun Mensal Vitalisa mak Prezidente Republika, Jose Ramos Horta husu governu liu husi Primeiru Ministru, Kay Rala Xanana Gusmão haree mekanizmu ruma nunee kontinua fo apoiu ba eis titular sira, tanba, sira nia vida tomak luta ba rai ida nee, iha rai laran ka iha liur.
(eme)
