DILI, STLTIMORLESTE.com – Prezidente Republika (PR), Jose Ramos Horta partisipa seminariu nasional ho tema “Konseitu Estadu Vizaun Estratejika ba Dezenvolvimentu Nasional” iha Palasiu Prezidensial.
Prezidente Republika Jose Ramos Horta liu husi nia diskursu iha Palasiu Prezidensial Nikolao Lobato, Bairo Pite, Tersa nee (05/08/2025) hatoo benvindu ba parte hotu-hotu neebe mak halibur hamutuk hodi bele selebra loron importante nee.
“Uluk nanain benvindu ba ita boot sira hotu-hotu, senhor Ministru profesores sira, Diretor Nasional Edukasaun, tema ida nee Intelejensia Artefisial, hau bele hatete ba ita boot sira, primeiru diskursu ema ruma halo rai nee hau mak halo 2018 bainhira Sekretariu Estadu Komunikasaun konvida hau koalia kona-ba media sosial, hau labele koalia media sosial maibe koalia Artefisial iIntelejensia, tanba fulan ruma liu tiha hau ba madrid loron 5 iha neeba hau hola parte klubu ida naran madrid,” katak PR Horta.
Prezidente Republika hatete, Intelejensia Artefisial buat neebe importante husi parte hotu-hotu, buat neebe bele negativu destruitivu.
“Parabens ba inisiativa ida nee, bainhira ita boot sira presiza enkontru ruma bele halo iha nee la selu hanesan iha salaun OKA selu osan boot maibe iha nee gratuita, se ema ruma halo expo ruma iha liur jardin mos bele ou konforme iha nee konsidera hanesan ita boot sira nia uma halo atividade ruma,” hakotu PR Horta.
Nunee mos Ministru Ensinu Superior Siensia no Kultura, Jose Onorio hatoo agaradese ba parte hotu neebe mak hola parte hodi partisipa seminariu ba loron ohin nee.
“Loron ida ohin importante ba ensinu superior, tanba nee mak agradese ba senhor Prezidente ho Kaza Sivil tomak neebe bele fo fatin ba ensinu superior bele halo seminariu ba loron ohin,” katak Ministru.
Iha biban nee hatoo agradese ba partisipante hotu neebe marka prezensa Prezidente Republika ho ekipa, estudante, reitor sira hotu tanba loron ohin nee importante ba parte edukasaun nia hodi koalia kona-ba ensinu superior nomos siensia mundial ba pas no dezenvolvimentu.
Nia hatete, ohin misa agradesimentu Sua Eminensia Dom Virgilio mos hatoo mensajen katak oinsa mak eduka joven sira sai lider iha futuru iha Timor Leste nee importante maibe tenke tau aas nafatin fee aas.
“Tenke tau aas fee, tanba dala ruma ita haluha tiha ida nee, maibe ohin Dom Virgilio hatete katak hakarak sai matenek labele haluha katak iha leten sei iha ema ida mak matenek liu, ema hotu hotu bele sai profesores maibe profesor diak liu mak Jesus Kristu, nee mensajen furak ba ita hotu,” katak Onorio.
(eme)
