DILI, STLTIMORLESTE.com – Prezidente Republika (PR), Jose Ramos Horta hatete, nia simu informasaun husi Primeiru Ministru Kay Rala Xanana Gusmão katak, Orsamentu Jeral Estadu (OJE) 2026 sei tau prioridade ba infraestratura Fronteira.
Prezidente Republika Jose Ramos Horta hatoo kestaun nee ba jornalista sira iha Embaixada Portugal, Kuarta (06/08/2025) hatete, oras nee Governu hahu halo diskusaun ba Orsamentu Jeral Estadu ba tinan 2026 planu no prioridade saida deit nee Primeiru Ministru mak hatene maibe nia simu informasaun husi PM Xanana katak OJE 2026 sei tau prioridade ba infraestruturas Frinteira.
“Nee hau husik ba primeiru Ministru mak deside prioridade Governu nia mak ita hotu hatene, Prioridade Governu nia atu kontinua obra neebe halo ona tinan ida nee infraestrutura ou lahalo remata tinan ida balun remata tinan 2026, 2027 porzemplu Aeroporto Internasional, Hospital, Maun boot Primeiru Ministru hatete ba hau 2026 nia hakarak konserta ba Fronteira hadia Estrada imfraestrutura iha jona Fronteira neeba sempre prioridade mak haree hahan ba kiak sira kosok oan inan isin rua sira nemos prioridade boot ida,” dehan Prezidente Republika.
Nunee mos tuir Ministra Finansas, Santina Cardoso katak, reuniaun Komite Revizaun Orsamentu OJE 2026 sei foka ba programa Governu hodi implementa planu asaun annual husi Ministeriu idak idak
Ministra dehan tinan kotuk halo diskusaun ba KRO foka liu ba orsamentu neebe aloka ezekusaun hira no haree ba pedidu adisional maibe tinan ida nee muda tuir instrumentu Primeiru Ministru Kay Rala Xanana Gusmao iha Ministeriu Finansas foka foka ba programa Governu nia implementa ba planu asaun annual ministeriu sira.
Foin lalais Governu liu husi reuniaun Konselhu Ministru aprova projetu Rezolusaun Governu kona-ba definisaun kompozisaun komite revizaun Politiko ba Orsamentu Jeral Estadu OJE 2026 neebe aprezenta husi visi Ministra Finansas sei aprezenta ba Parlamentu Nasional.
Aleinde nee Komite Revizaun Politiku iha objetivu atu garante planu annual husi servisu no entidade setor publiku administrativu viavel no alinadu ho prioridade nasional neebe establese iha planu estratejiku dezenvolvimentu tinan 2011-2030.
(eme)
