DILI, STLTIMORLESTE.com — Klubu voleibol mane Choque hetan vitória ho rezultadu 3–0 kontra Aby Travel, iha kompetisaun Liga Voleibol Timor-Leste Primeira Divizaun Époka 2026, iha Ginásio Dili, kuarta-feira, 14/10/2026.
Iha kompetisaun ne’e, ekipa mane rua hatudu abilidade no estratéjia jogu ne’ebé di’ak, liuhusi servis, passing, smash no blok. Adeptus no apoiantes sira mos akompaña jogu ho entuziazmu.
Iha set dahuluk, Choque no Aby Travel hahú jogu ho intensaun atu buka vitória. Ekipa rua hatudu kapasidade téknika liuhusi atake no defende bola. Maibé, Choque konsege domina jogu no manan set dahuluk ho rezultadu 25–16, ho diferensa pontu 9, hodi lidera 1–0.
Tama ba set daruak, Aby Travel kontinua halo esforsu atu hasoru Choque. Maski nune’e, Choque nafatin hatudu dominasaun liuhusi servis, passing, smash no blok. Iha ikus set daruak, Choque manan tan ho rezultadu 25–20, hodi aumenta nia vantagem ba 2–0.
Iha set datoluk, ekipa rua kontinua hatudu kompetisaun ne’ebé maka’as. Aby Travel halo esforsu atu hamenus distánsia pontu, maibé Choque nafatin kontrola jogu no konsege manan set ikus ho rezultadu 25–20.
Ho rezultadu set tolu ne’e, Choque manan Aby Travel ho rezultadu jerál 3–0, depois manan set dahuluk 25–16, set daruak 25–20 no set datoluk 25–20.
Durante jogu, adeptus no apoiantes husi klubu rua fó apoiu ba sira-nia ekipa, liuhusi enkorajamentu no motivasaun kada ekipa hetan pontu. Atmosfera iha kampu Ginásio Dili sai animadu to’o remata kompetisaun.
(leo)
