DILI, STLTIMORLESTE.com – Primeiru Ministru (PM), Kay Rala Xanana Gusmão iha ambitu Konferensia Ekonomika Emprezarial Timor Leste no Australia ba dala rua, husu Setor Privadu kria Empregu ba Timoroan.
Liu husi konferensia nee PM Xanana hatete, ohin abertura ba Konferensia Ekonomika Emprezarial Timor Leste no Australia durante loron rua, ba konferensia nee ba segundu vez nian,
primeira vez halao iha tinan kotuk.
“Ohin loke abertura husu ba Timoroan sira ba setor privadu atu komesa haree daudaun ona kria Empregu iha ita nia rain, imi hotu rona katak tinan oin sei harii Banku Nasional Dezenvolvimentu atu fo kreditu ba mikro mediu hodi bele halo negosiu,” hatete PM Kay Rala Xanana Gusmão liu husi Konferensia iha CDD, Kuarta nee (7/8/2025).
Tanba sa ita dehan halo buat ruma, tanba TL sosa sasan hotu husi rai liur, maske aifuan iha rai laran hanesan hudi sabraka ainanas iha la aproveita, ita nia agrikultor mos atu produs ema la sosa, maibe sosa husi liur.
Nee duni atu kria Banku Nasional Dezenvolvimentu, atu dezenvolve mikro pekena no empreza sira.
Ohin iha Konferensia Ekonomika Emprezarial Timor Leste no Australia ba daruak, iha konferensia nee partisipa husi empreza sira husi Australia durante loron rua, tanba nee PM husu empreza sira loron ida loron rua nee sira bele analiza tinan ida nia halo saida depois de ida nee.
Oinsa empreza haree para koopera malu koalia ba malu hodi haree ita nia potensial iha neebé no oportunidade negosiu iha neebe, se ita ladun komprende maluk husi Australia ho sira bele aprende nomos husi Australia hakarak mai investe iha nee, lori sira ba haree nee oinsa.
Tanba imi hotu hatene osan US$ 1.3 milhaun mais limitadu, empregu laiha ita laos haruka deit Timoroan sira ba rai liur Australia, Korea, Irlandia, Japaun, ita sai tiha nasaun ida hodi fo pasaporte ba joven sira ba liur nasaun nee dezenvolve oinsa.
“Tanba nee ohin hau husu ba Prezidente CCI-TL koalia ho setor privadu sira iha nee atu koalia ho setor privadu Australia hodi haree tinan mai nee planu saida, se lae tinan-tinan halo konferensia diskursu mesak furak-furak, maibe rezultadu laiha, nee duni ami mai hamutuk loke abertura para husu setor privadu Timor nia hamutuk ho setor privadu Australia nian,” dehan Xanana.
iha fatin hanesan, Ministra Australia ba Dezenvolvimentu Internasional Australia, Anne Aly MP hatete, iha dezemvolvimentu internasional nia estavel no parseiru ida ke konfiavel ba Timor Leste no Australia kontinua atu propoin iha area infraestruturas, area konektividade no inklui mos kapasidade ba iha programa mobilidade nomos nesesidade TL nian no povu Timor Leste.
“Liu husi negosiu kiik ita enkoraja nomos ezistensia negosiu Australianu sira atu bele mai iha Timor Leste no atu bele hola parte ba oportunidade sira no bele servisu iha Timor Leste harii negosiu nian, ida nee ho onra diak tebes hamutuk iha nee ho oportunidade atu harii ba relasaun Australia ho Timor Leste atu bele dezenvolve intensaun ida nee entre negosiu kiik no dezenvolvimentu internasional, no aumenta liu tan tantu Estadu Australia no TimorLeste.
Hau hakarak agradese ba Primeiru Ministru ho prezente ba apresiasaun negosiu kiik no produs husi Fundasaun Aloka neebe produs husi tais.
(eme)
