DILI, STLTIMORLESTE.com – Ekipa husi Prezidensia Republika (PR) hamutuk ho Governu liu husi Ministru Juventude, Desportu, Arte no Kultura (MJDAK) halao enkontru altu nivel kona-ba Dili Maratona Internasional ho tema “Halai ba Palestina”.
Ekipa Prezidensia Republika hamutuk ho Governu liu husi Ministru Juventude, Desportu, Arte no Kultura hahu halo enkontru altu nivel hodi rona nota konseitu ba Dili Maratona Internasional 2025 ho tema “Halai ba Palestina” halao iha palasiu Prezidensial Nikolao Lobato Bairu Pite, Sesta (08/08/2025).
Enkontru nee lidera husi Ministru Juventude, Desportu, Arte no Kultura, enkontru koordenasaun nivel aas dahuluk ba Maratona Internasional Dili 2025, inisiativa neebe hetan patrosíniu diretu husi Prezidente Republika Jose Ramos Horta.
Enkontru neebe prezide husi Ministru Juventude, Desportu, Arte no Kultura, Nelio Isaac Sarmento, akompanha mos husi Xefe Kaza Sivil Prezidensia Republika, Jesuína Maria Ferreira Gomes no halibur linha ministerial relevante sira hotu hodi rona aprezentasaun ofisialmente nota konseitu no planu estratejiku komunikasaun maratona nian, neebe sentra iha tema halai ba Palestina.
Lidera husi Henriqueta Maria da Silva husi Sekretariadu Adjunta Xefe Kaza Sivil no kontinua ho diskusaun, aprezentasaun nee fo detalhu kona-ba nota konseitu no planu estratejia komunikasaun ida neebe forte ho objetivu duplu atu amplifika Timor Leste nia solidariedade ho povu Palestina nia terus no atu selebra realizasaun atinjimentu nasaun nian ba adezaun tomak ba ASEAN. Inisiativa ida nee reflete diretamente Prezidente Ramos Horta nia vizaun atu aproveita desportu ba diplomasia no pas.
Ho enkuadramentu estratejiku neebe agora rona ona husi orgaun prinsipal sira governu nian hotu, Prezidensia ho orgulhu atu fo sai katak preparasaun sira lao daudaun ona.
Rejistu ba eventu nasional signifikativu ida nee sei loke ofisialmente ba publiku iha Segunda-feira, 11 Agostu Prezidensia iha kompromisu atu orienta esforsu kolaborativu ida nee hodi garante katak maratona nee laos deit hatudu Timor Leste nia kapasidade atu sai uma-nain ba eventu sira ho klase mundial maibe mos programa ho forsa ita nia nasaun nia kompromisu ba justisa global no unidade rejional.
Aleinde nee Prezidensia Republika hamutuk ho Governu hahu ona halo rejistrasaun ba partisipante sira neebe hakarak partisipa iha eventu Dili Maratona Internasional 2025.
Halo parte iha Timor Leste nia eventu desportivu boot liu iha Sabadu, 11 Outubru 2025, hahu no remata iha Palasiu Prezidensial Nicolau Lobato.
Maratona tinan ida nee lori tema “Halai ba Palestina” – Halai ba Pas, Solidariedade ba Povu Palestina Nia Direitu no Unidade iha ASEAN, halibur korredor sira ba saude, dame no solidariedade, Kategoria sira korrida nian Maratona Tomak (42.195 km) Meia-Maratona (21.0975 km) Eventu Para-Atleta sira, Fun Run ba familia & komunidade sira
Kategoria Premiu Espesial ba ASEAN, Timor Leste & Para-Atleta sira Informasaun Rejistu Fatin Rejistu: GMT Dili (GMT in the corner building) Rejistu Loke Loron 11 fulan Agostu tinan 2025 Oras: 9:00-17:00 OTL (Oras Timor-Leste), Loron ikus sira ba rejistu: Ba Atleta Nasional sira Taka: 30 Agostu 2025 Iha tuku 19:00 OTL Ba Atleta Internasional sira taka: 8 Outubru 2025 iha tuku 19:00 OTL, Loron & Fulan Outubru 2025, Oras: 19:00 OTL.
(eme)
