DILI, STLTIMORLESTE.com – Prezidente Republika (PR), Jose Ramos Horta kondekora ordem Timor Leste (TL) ba pesoal asosiasaun no grupu amizade sira, hodi rekonhese sira nia kontribuisaun mai iha TL.
Prezidente Republika, Jose Ramos Horta, kondekora Orden Timor-Leste nian iha kategoria Grau Kolar, Medalla, Insígnia, Medalha Meritu, Medalha Solidariedade Timor-Leste, no Sertifikadu Rekonesimentu, ba distintu Pesoal, Asosiasaun, no Grupu Amizade sira, neebe fo ona kontribuisaun signifikativu ba benefísiu povu Timor-Leste nian durante prosesu dezenvolvimentu nasional.
Onra hirak nee, kondekora tuir Dekretu Prezidente Republika Nu. 62, 69, 76, no 77/2025, nomos Nu.117/2024, selebra dedikasaun hosi figura timoroan no internasional sira neebe kontribui ona ba moris diak povu timoroan nian liuhusi servisu profisional, esforsu umanitariu, no solidariedade.
Pesoal sira tuirmai kondekora ho Grau Kolar Orden Timor Leste mak hanesan Profesor Nitin Verma, Kevin Bailey, Asosiasaun tuir mai neebe simu kondekorasaun ho Grau Medalha Orden Timor-Leste mak Asosiasaun Timoroan iha Victoria Inc.
Nunee mos Grupu Amizade sira tuir mai neebe simu kondekorasaun ho Grau Medalha Orden Timor-Leste mak hanesan Ballarat Belun sira Ainaro nian, Vale Bega Advogadu sira ba Timor-Leste, Komite Amizade Bendigo Maubisse Inc, Komite Amizade Hatobuilico Montanha Azul, Canberra Belun sira Dili nian, Belun sira Aileu nian, Belun sira Baguia nian, Belun sira Baucau nian, Belun Ermera nian, Lacluta nia belun sira, Belun sira Lolotoe nian, Belun sira Maliana nian, Belun sira husi Ossu, Belun sira husi Same Inc, Belun sira husi Suai/Covalima, Belun sira Venilale nian, Eskola Amizade Geelong-Viqueque, Eskola Amizade Hato Udo, Grupu Amizade Indigo-Atauro, Grupu Amizade Vale Kanguru Timor Leste, Parseria sira Aldeia Larimi nian, Macedon Ranges Friends of Turiscai Inc, Monash Friends of Vemasse, Mornington Peninsula Friends of Lospalos, Pittwater Friends of Soibada; no Springwood East Timor Support Group.
Pesoal sira tuirmai neebe simu kondekorasaun ho Grau Insígnia Orden Timor-Leste mak Jose Manuel Ribeiro, Paulo Almeida, Paulie Stewart, Colin Badger, Jose dos Reis Mesquita, Mark Grunden, Gil Honrado Ferreira dos Santos.
Nunee mos pesoal sira tuirmai neebe simu kondekorasaun ho Grau Medalla Meritu mak Dr. William Glasson, Dr. Kevin Vandelur, Dr. John Kearney, Dr. Phillip House, Dr. Ross Littlewood, Dr. Paul McCartney, Dr. Andreas Kreis, Sr. Michael Knipe (Matebian), Sra. Surabhi Payne, Sr. Andrew Maver, Sr. Andrew Koch, Sr. Colin McKenzie, Sra. Helen Postma (Matebian), Sra. Daliah Moss no Sr. Christopher Eoin Breen.
Aleinde nee Sra. Rae Kingsbury AM kondekora ho Grau Medalla Meritu. Sr. Andrew Martin Wilson kondekora ho Grau Medalla Solidaridade Timor-Leste. Sr. Mathew James Carney kondekora ho Grau Medalla Orden Timor-Leste.
Iha biban nee Prezidente Republika, Jose Ramos Horta hateten, premiu nee simbolu nasaun nia apresiasaun klean.
“Premiu sira nee simboliza ita nia nasaun nia apresiasaun klean ba sira neebe lao hamutuk ho Timor-Leste iha tempu luta no progresu nian. Sira nia laran luak no kompromisu inspira ita atu kontinua harii unidade no prosperidade ba futuru,” dehan PR, Horta liu husi komunikadau neebe STL asesu, Kuarta (13/08/2025).
Xefe Estadu hatete, serimonia nee sublina Timor-Leste nia kompromisu neebe metin hodi rekonhese sira neebe kontribui ba ,”Ita nia viajen ba pas no dezenvolvimentu.”dehan Xefe Estadu.
(eme)
