DILI, STLTIMORLESTE.com – Feto labele tauk no moe hodi kapasita aan, no fiar aan ho matenek neebe iha hodi luta ba direitu feto.
Feto Potensial Celestina de Almeida atual Koordenadora Programa Feto no rai husi Acbiit dehan, lei garante hela katak feto ho mane iha direitu no obrigasaun neebe hanesan atu bele hola parte iha atividade hotu tanba nee husu feto sira labele tauk no moe atu luta ba assuntu igualdade jeneru.
“Nafatin luta makaas kontra sistema patriarkal neebe lafo oportunidade ba feto, nunee desizaun hotu bele igual entre feto no mane,” dehan nia ba STL iha nia Delta Nova, Sesta (12/09/2025).
Nia hatete, feto tenke nafatin kapasita nia aan liu husi formasaun sira, nomos atividade oin oin.
Nunee mos Feto Potensial Maria Amaral hatete, tempu uluk mak feto halao knaar iha uma, atividade iha publiku nomos foti desizaun nee mane mak bele hola parte maibe ohin loron lei garante katak ema hotu hanesan iha lei nia oin, no direitu hanesan.
Jornalista: Emerenciana Pinto
Editora: Domingas Gomes
