DILI, STLTIMORLESTE.com – Padre Paul Kerans, SVD konvida fiéis atu la konsentra de’it ba buat mundu nian, maibé buka Maromak nia prezensa iha moris loroloron.
Padre Paul Kerans SVD ba STL Sesta (13/11/2026), tuir refleksaun ba Evanjellu Lukas 17:26-37, hato’o katak atividade loroloron labele halo ema haluha Maromak.
“Nia fó avizu mai ita atu labele kaer metin iha rutina moris loroloron nian ne’ebé ita nunka haree liu moris iha nivel kle’an liu,” Padre Paul esplika.
Padre Paul hateten katak, Evanjellu refere ba atividade umana hanesan han, hemu, kaben, sosa, fa’an, kuda no harii.
Atividade hirak-ne’e importante ba moris umanu, maibé bele konsume ema nia tempu no enerjia to’o haluha perspetiva espirituál.
Nia esplika katak Jezús uza atividade loroloron sira-ne’e atu fó avizu kona-ba Oan-Mane nia mai no importánsia prepara an ba moris rohan-laek.
Padre Paul mós enfatiza katak Na’i moris-hi’as iha ona ema nia leet no kontinua bolu ema atu harii relasaun pesoál ho Nia.
Tanba ne’e, fiéis presiza envolve an tomak iha realidade moris nian, maibé labele husik mundu nia buat sira domina sira-nia hanoin.
Relasaun ho Maromak sei ajuda ema atu enfrenta kompleksidade moris nian ho fiar no perspetiva espirituál.
(eme)
