DILI, STLTIMORLESTE.com – Prezidente Republika (PR), Jose Ramos Horta halo enkontru ho Diretor Rejional OIM ba Azia no Pasífiku, Lori Kato, no reprezentante OIM iha Timor Leste, Jewel Trishia Ali, oinsa haforsa parseria entre Timor Leste no Ajensia Migrasaun Nasões Unidas nian atu garante protesaun ba migrante sira no promosaun ba movimentu neebe seguru no regular iha rejiaun laran.
Enkontru nee foka liu ba haforsa parseria entre Timor Leste no ajensia migrasaun Nasões Unidas nian atu garante protesaun ba migrante sira no promosaun ba movimentu neebe seguru no regular iha rejiaun laran.
Iha biban nee Diretor Rejional OIM ba Azia no Pasífiku, Lori Kato dehan, ba jornalista iha palasiu Segunda lokraik (09/02/2026) dehan, Diskusaun nee foka ba oinsa OIM bele fo apoiu liutan ba interese nasional liuhosi matenek teknika no jestaun migrasaun neebe diak liu. Hodi foti kestaun kona-ba kompromisu ajensia nee nian ba nasaun.
“Ita diskute oinsa ajensia ONU hanesan OIM bele mellora servisu diak liutan ba governu no povu Timor Leste, atu nunee movimentu iha Timor Leste nia laran no sai ba rai kiur bele sai seguru liu tan, ordenadu no regular. Dialogu nee mos ho objetivu atu alinha ajensia nia programa sira iha futuru ho governu nia vizaun ba seguransa fronteira neebe forte liutan.
Iha hasoru malu nee Prezidente Republika Jose Ramos Horta espreza ninia apoiu tomak ba OIM nia inisiativa sira, hodi hatudu konesimentu klean kona-ba impaktu neebe ajensia nee fo ona ba nasaun.
Enkontru nee termina ho parte rua neebe konfere fali sira nia kompromisu atu hadiak governasaun fronteira.
Kolaborasaun nee sei kontinua halao knaar vital ida atu garante katak mobilidade internasional nafatin seguru no fo benefísiu ba sidadaun Timor hotu.
(eme)
