DILI, STLTIMORLESTE.com – Care Australia sei vizita Timor Leste (TL) hodi haree ba prioridade dezenvolvimentu edukasaun saude no mal nutrisaun.
Kestaun nee hatoo husi Country Director Care Iha Timor Leste, Peter Goodfellow ba jornaslista sira, bainhira remata halo enkontru ho prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta lokraik (13/02/2026).
“Semana ida nee ami nia membru husi Care Australia mai vizita Timor Leste liu-liu ba area remotas neebe mak foin daudaun ami vizita ba, ami haree ba prioridade dezenvolvimentu ba Timor nia liu-liu iha edukasaun saude, nutrisaun nomos ba iha empodera feto, entau ohin lokraik nee ami mai hasoru senhor prezidente hodi koalia konaba ambisaun hodi haree konaba edukasaun, haree ba Care nia haree ba nutrisaun,” dehan Director.
Country Director Care iha Timor Leste, Peter Goodfellow dehan Care halo kolaborasaun ho Prezidente Republika hodi haree konaba potensia hodi suporta labarik sira iha area remotas.
“Entau hau halo kolaborasaun ho Prezidente hodi haree konaba potensia hodi suporta labarik sira neebe mak iha area remotas hodi haree ba edukasaun haree liu ba iha oinsa suporta sira iha mereda eskolar nia,” katak nia.
Nia dehan tempu besik Care Internasional sei ba vizita Suku Malabe iha atsabe munisipiu Ermera, hodi vizita eskola nomos vizita grupu toos nain sira.
“Liu liu ami mos haree konaba grupu feto sira neebe mak harii rai no empresta neebe mak suporta husi organizasaun Care,” katak nia.
Nia hatete Care Timor Leste durante nee serbisu hamutuk ho komunidade tinan 30 hodi foka ba mal nutrisaun.
“Care serbisu ona ho komunidade sira liu liu labarik sira liu tinan 30 ona no ami hakarak foka liu ba mal nutrisaun nia hodi rejolve mal nutrisaun neebe mak akontese ba suku remotas liu liu aldeia sira neebe mak la asesu ba merkadu edukasaun nomos transporte entau ami fo prioridade ba atu bele halo oinsa halo koneksaun entre merkadu nomos eskola ba labarik sira hodi sira bele asesu fasilidade,” Katak nia.
Prezidente Republika Jose Ramos Horta sente kontente tebes hasoru ekipa husi Australia no Prezidente mos kontente hodi fahe esperensia durante nee konaba ninia serbisu hahu husi inisiu too agora oinsa kolabora ho NGO nomos ho institusaun seluk.
Prezidente mos rekoinese katak mal nutrisaun aas tebes iha Timor Leste tanba nee hakarak kolabora ho Care Internasional iha Timor Leste hodi rejolve mal nutrisaun.
Nia hatutan, Care Internasional iha Timor leste serbisu iha Timor Leste kleur ona no iha hanoin hakarak rejolve mal nutrisaun entau liu husi suporta neebe mak iha Care distribui suporta liu husi mareda eskolar nia ba iha eskola Ermera neebe foin dadaun sira vizita ba. “No liu husi kolaborasaun ho ministerium agrikultura edukasaun, saude ami habelar ami nia kontruisaun ka ami suporta no ami nia ligasaun hodi nafatin suporta labarik sira neebe iha area remotas liu liu iha merenda eskolar,” hakotu.
(eme)
