DILI, STLTIMORLESTE.com – Prezidente Republika (PR), Jose Ramos Horta halo enkontru ho Embaixador Naun Rezidente husi Croacia, hodi diskute asuntu iha mundu internasional.
Bainhira remata hasoru malu, Embaixador Naun Rezidente husi Croacia, Nebojsa Koharovic ba jornalista sira iha Palasiu Prezidensial Nicolau Lobato, Bairo Pite, Segunda nee (16/03/2026) hatete, sente haksolok hasoru malu ho Prezidente Republika Jose Ramos Horta, iha hasoru malu nee koalia kona-ba situasaun iha mundu internasional.
“Hau ksolok tebes ohin hasoru prezidente Republika Jose Ramos Horta, no envolve iha buat ida neebe substansial tebes ho nia kona-ba, ita-boot hatene, relasaun lo-loos deit. Maibe mos vizaun jeral iha orden internasional atual no situasaun internasional no mos orden mundial neebe ladun diak no nakdoko tebes, neebe akontese daudaun kona-ba konflitu oin-oin, iha neebe maioria husi ita nia rejiaun sira envolve ona, no iha sentidu neeba, klaru, hau koalia mos laos deit kona-ba Mediu Oriente,” dehan Embaixador.
Embaixador dehan, iha hasoru malu nee laos koalia deit kona-ba funu iha Mediu Oriente maibe koalia mos asuntu iha Europeia, tanba nasaun
“Ami laos deit kona-ba Mediu Oriente maibe mos kona-ba Asuntu Europeu sira, ita-nia nasaun rua nee konkorda iha pontu-de-vista oin-oin relasaun internasional nian, aprezenta iha Internasional iha neeba, hodi prezerva estatutu atual orden nian neebe ita hotu hetan benefísiu. Maibe klaru, ami espesialmente sublina importansia hosi bloku 2 neebe maka estabiliza hela. iha neebe maka ankra orden internasional iha momentu ida-nee. Karik 1 hosi uitoan deit neebe deskansa iha neeba, ida-nee tenke,” katak nia.
Iha enkontru nee prezidente Republika Jose Ramos Horta responde ho pozitivu tebes ba asuntu barak neebe mak diskute, liu-liu kona-ba oinsa relasaun bilateral sira.
“Ami sublina katak Gracia sei loke konsuladu iha Timor Leste, atu hasae deit relasaun iha jeral, ambitu husi ami nia relasaun mútua sira, signifikadu iha ekonomia, iha polítika no kultura iha Ajuda umanitaria no seluk tan Nunee mos, prezidente afirmativu tebes, konaba Kroasia, maibe mos Uniaun Europeia no ami nia pontu-de-vista servisu nian kona-ba folin sira iha mundu. No klaru, ita fahe opiniaun hanesan, kona-ba medida sosial sira neebe tenke foti atu proteje, ita-nia sidadaun sira hosi impaktu krize nian, liu-liu, kona-ba aumentu hosi folin kombustível nian no aumentu hosi ai-han sira no mos kona-ba interupsaun iha komersiu internasional, neebe kauza hosi hosi funu iha klaran,” katak nia.
Nia hatete, iha hasoru malu nee diskute mos oinsa nasaun rua bele hametin diak liu tan lasu amizade no kooperasaun iha assuntu oin-oin.
(eme)
