DILI, STLTIMORLESTE.com – Ministru Defeza (MD) Kontra Almirante Donaciano do Rosário da Costa Gomes ” Pedro Klamar Fuik” hateten, Governu Rúsia hatoo prontidau estabelese portofóliu kooperasaun hanaran akordu kooperasaun embrela ho Timor Leste (TL) iha dominu defeza.
“Señor Embaixador Sergei sai Embaixador Rúsia mai iha Indonezia akomula Timor Leste ohin halo vizita ida dekortezia, mai ko’alia kooperasaun entre Timor Leste ho Rúsia neebe mak ami konkorda ona para atu estabele akordu protokolár ida depois define atividade saida-saida deit mak atu halo,” hatete Ministru Defeza (MD) Kontra Almirante Donaciano do Rosário da Costa Gomes ” Pedro Klamar Fuik” ba jornalista sira iha Ministeriu Defeza Fatuhada Dili, Tersa (17/03/2026).
Governante nee esplika katak, akordu kooperasaun neebe Timor Leste ho Rúsia estabelese mak iha bilaterál iha dominu defeza no multi laterál inklui kooperasaun ba iha ASEAN.
“Primeiru ami sei halo akordu protukulár bolu akordu embrela para depois define saida saida konstitui interese ita-nia Timor-Leste ho Rúsia nee bele halo hamutuk no depois define atividade saida de’it mak Rúsia bele halo ba Timor no Timor Leste bele halo ho Rúsia iha ambitu rua ida bilaterál ida multilateral inklui iha ASEAN Timor Leste hanesan”, nia esplika.
Nia informa, Rúsia nuudar País amigu de língua data dezde tempu neebe mak muito mais difisil iha ita nia luta libertasaun Rúsia sempre hamutuk ho Timor Leste. Iha 75 too fali 99 husi 99 too ohin loron Rúsia sempre hamutuk ho Timor Leste.
“Apezar de imi hatene, ita hotu-hotu hatene katak mundu la’o tuir nia lalaok, maibe rai hotu-hotu, idak-idak ho nia prinsipiu neebe mak bele partilha ho sira hanesan mós sira partilha ho sira”, nia deklara.
Nia informa, prinsipiu ba direitu internasionál, prinsipiu ba direitu umanu, prinsipiu neebe mak valoriza nasaun soberanu sira rai kiik ka rai boot iha direitu hanesan rai riku ka rai kiak hotu-hotu lian hanesan.
“Tanba ida nee mak Rúsia rai boot rai pontensia ida nia mai iha ita nia rai, tanba nee nia hakarak metin hamutuk ho ita, hametin ita nia kooperasaun baze, kooperasaun neebe mak solidariedade neebe sira iha ho ita. Dezde uluk iha ho ita no agora ba dezenvolvimentu nasional em partikular dezenvolvimentu iha área defeza,” nia adianta.
Iha fatin hanesan, Embaixador Rúsia ba Timor Leste, Segei Gennadievich hatoo obrigadu ba Ministru Defeza Timor Leste neebe bele simu hodi halo enkontru diskute kona-ba kooperasaun bilaterál neebe lao diak tebes-tebes.
Nia informa, Timor Leste nuudar amigu diak Rúsia nia dezde 19975 neebe sempre suporta Timor Leste iha situasaun difisil.
“Tanba nee ohin ami atu kontinua promove kooperasaun nee ho Timor Leste iha área kooperadsun militár no kooperasaun iha área teknika. No ami mos diskute kona-ba kestaun balun tan neebe ami hamutuk atu halo kooperasaun”, nia deklara.
Diplomata Rúsia nee hateten, iha okaziaun nee mos koalia kona-ba situasaun geopolitika mundiál neebe akontese turbulensia ne’ebé nakonu ho problema.
“Maske nunee ho okaziaun nee ami koalia hodi kontinua promove relasaun bilitarál ba independensia, igualudade, sobernia no determinasaun no labele iha intervensaun”, nia afirma.
(jen)
