DILI, STLTIMORLESTE.com – Maski Governu foin lansa projetu reabilitasaun estrada iha kintu kantu hodi fasilita movimentu komunidade, maibe realidade iha terrenu hatudu katak, kondisaun estrada iha fatin balun hahu aat fali no nakfera, maski foin uza iha tempu badak.
Komunidade balun hatoo sira nia preokupasaun kona-ba kulidade servisu husi kompanhia sira neebe manan projetu nee.Sira kestiona tanba saida mak estrada neebe foin lansa ho orsamentu boot labele reziste kleur.
“Ita kontente tanba estrada hadi, maibe foin fulan balun deit estrada komesa aat fali ona.Se bee udan nakonu iha estrada leten no valeta ladiak, asfestu nee sei ladura kleur,” dehan Pedro da Conceicao hanesan sidadaun ida neebe lor loron uza estrada nee ba STL, Kuarta (18/03/2026).
Tuir nia problema boot mak iha fiskalizasan, tanba dala barak tekniku husi Ministeriu Obras Publika (MOP) la too iha fatin izoladu sira, hodi kontrola servisu kompanhia nian, nunee kompanhia sira halo servisu arbiru deit hodi buka lukru.
Iha parte ketak Observador Politika, Joao da Silva hatetet, kondisaun estrada neebe aat nafatin fo impaktu direta ba moris povu nian. Produtu lokal husi foho la konsege tun ba merkadu Dili, no folin transporte sae makas tanba karreta sira fasil aat.
Tanba too agora komunidade iha Munisipiu sira kontinua hein hela promesa neebe hatoo iha tempu tau fatuk dahuluk nee atu sai realidade, laos deit sai istoria wanhira tempu udan mai.
(car)
