DILI, STLTIMORLESTE.com – Komadante Polísia Nasional Timor Leste (PNTL) Munisipiu Díli, Komisariu Asistente Polísia Orlando Gomes haktuir, ohin loron Sabadu (21/03) haleu tuku 03:50 madrugada OTL, deskonfia suspeitu inisial CdA oho nia feen Veronica do Santos iha tasi ibun, parte Pantai Kelapa.
Hatete Komadante Polísia Nasional Timor Leste (PNTL) Munisipiu Díli, Komisariu Asistente Polísia Orlando Gomes ba jornalista sira iha CFP Comoro Dili, Sabadu (21/03/2026).
Nia esplika, kronolojia ohin madrugada haleu tuku 03:50 OTL, iha insidente ida iha Pantai Kelapa tasi ibun besik loja Seara nian iha kazu omesidiu ida akontese iha neeba kazu fen ho laen neebe akontese laen oho tiha nia fen.
“Iha kazu ida-ne’e patrollamentu too kedas iha fatin asegura lokál krime no ita kontaktu ba iha Forensik atu bele mai foti mate isin lori ba iha mortuariu Hospitál Nasionál Guido Valadares (HNGV) no suspeitu ita kaptura kedas lori ba detein kedas ita nia Komandu munisípiu Díli, para atu submete ba iha prosesu investigasaun hodi kontinua ba iha Ministériu Públiku (MP)”, nia esplika.
Nia informa, relasiona ho kazu nee nia motivu lo-loos sei iha prosesu investigasaun tanba saida mak too oho nia feen, espera iha kazu violénsia domestika uma laran depois mak bele hamosu laen oho nia feen.
“Iha prosesu investigasaun mak ita bele hatene motivu husi kazu nee rasik, matebian agora iha hela mortuariu HNGV nee ita nia Forensik rasik mak akompaña,” nia afirma.
(jen)
