DILI, STLTIMORLESTE.com – Governu apoiu igreja lori restu mortais Prelados Bispus nain tolu husi Portugal mai Timor Leste, iha loron 1 Setembru 2026.
Restu Mortais Prelados Bispu Dom Jaime Gracia Gaulart, Dom Jose Joaquim Ribeiro no Monsenor Martinho da Costa Lopes ho Dom Alberto Ricardo da Silva.
Governu apoiu Igreja Katolika TL atu halo transladasaun restus mortais Prelados Bispu nain tolu mai husi Portugal ho Dom Alberto Ricardo da Silva nian.
“Igreja mak reprezenta husi CET, Dom Virgilio Cardeal do Carmo da Silva, SDB, governu ba apoiu igreja atu lori restu mortais bispu nain tolu husi Portugal mai TL iha loron 1 Setembru 2026, ita hatene besik ona,” hatete Ministru Administrasaun Estatal (MAE), Tomas do Rosario Cabral ba jornalista sira iha Edisfiu MAE, Sesta (31/2026).
Governante nee relata, iha loron 18 Agostu iha Portugal misa agradesimentu iha Igreja Espiritu Santo Evora, Portugal, sei prezide husi Bispu Baukau, Dom Leandro Maria Alves, no governu repzentante husi Ministru Planeamentu no Investimentu Estratejiku (MPIE), Gastao Francisco de Sousa, misa ba Timor oan sira agradese ba Governu Portugal, tanba durante nee rai hela iha neeba.
Nia sublina, iha loron 19 Agostu 2026 loraik, misa iha Katedral Evora, Portugal, misa nee sei prezide husi Cardeal husi Lisboa, Nunsiatura Portugal no mos Bispu sira hotu ho governu iha neeba sei iha diskursu ka agradesimentu husi Governu Português entrega Bispu Rua sidadaun Portuges ba ita no ita nian rasik, nunee Governu TL agradese sira disponibilidade entrega fali restus mortais mai.
Depois remata, ekipa husi Dili akompanha para simu dokumentus sira nee servisu hamutuk ho Polisia Portugal nian, sei apoiu sasan sira tula mai husi Evora mai Aeroportu Lisboa, iha loron 22 Agostu, seladu kaisaun tolu hamutuk kedas no ekipa husi Timor simu dokumentus ajensia neebe Timor kontratu ba rekolha restu mortais nee hatama urna ruin sira ba aviaun too iha Bali.
No iha loron 1 Setembru 2026, Restu Mortais Prelados Bispu mai ho Aero Dili, sei tau iha Tasi Tolu, vizita ba fatin hotu-hotu.
“Simu tiha ita entrega ba iha Conferencia Episcopal Timorense (CET), Restu Mortais Monsenor Martinho da Costa Lopes sei lori ba Laleia, hela kalan ida sei lori mai Manatuto para omenajen iha ponte nee, sei lori hikas mai Tasi Tolu, sei atividade iha sidade laran, neebe sei organiza husi Igreja, governu nia papel lori restu mortais Bispu nain tolu entrega ba CET sei haloot iha Se Katedral Dili,” dehan nia.
Restru Mortais Prelados Bispu sei rai iha Tasi Tolu durante loron sanulu, depois misa, no sei haloot iha Se Katedral Dili.
Dom Jaime Garcia Goulart (Administrador Apóstolico da Diocese de Dili 1941-1945 e Primeiro Bispo da Diocese de Dili 1945-1967, Dom José Joaquim Ribeiro Bispo Coajutor ( 1965-1967) e Segundo Bispo da Diocese de Dili 1967-197, Monsenhor Martinho da Costa Lopes, Administrador Apóstolico “Ad Nutum Sanctae Sedis” Da Diocese de Dili 1978-1983, Dom Alberto Ricardo da Silva, Bispu Dioseze Dili 2004-2015.
(joa)
