DÍLI, STLTIMORLESTE.com — Klubu voleibol mane K-LINK hetan vitória ho rezultadu 3–0 kontra Matebian, iha kompetisaun Liga Voleibol Timor-Leste (LVTL) Primeira Divizaun Époka 2026, iha kampu voleibol Ginásio Dili, Kuarta-feira, 14 Outubru 2026.
Iha partida ne’e, K-LINK hatudu dominasaun liuhosi jogu ne’ebé organizadu, liuliu iha defeza, servis, passing no smash. Maski Matebian halo esforsu atu fó presaun, K-LINK konsege kontrola jogu no manan set tolu.
Iha set primeiru, ekipa rua hatudu kompetisaun ne’ebé maka’as liuhosi atake no defeza. Maibé, K-LINK konsege aproveita oportunidade sira no manan set ne’e ho pontu 25–21.
Tama ba set segundu, Matebian kontinua buka oportunidade atu muda situasaun jogu. Maibé, K-LINK nafatin hatudu konsisténsia iha atake no defeza, hodi manan tan set segundu ho pontu 25–21.
Iha set terseiru, Matebian aumenta esforsu liuhosi atake ne’ebé maka’as atu evita derrota. Maibé, K-LINK kontinua hatudu jogu ne’ebé efetivu no konsege manan set ikus ho pontu 25–22.
Ho rezultadu final 3–0, K-LINK hetan vitória kompleta kontra Matebian, ho rezultadu kada set 25–21, 25–21 no 25–22, iha kompetisaun Liga Voleibol Timor-Leste Primeira Divizaun Époka 2026.
Durante partida, apoiantes no adeptus sira ne’ebé marka prezensa iha Ginásio Dili kontinua fó animasaun ba ekipa rua. Apoiu ne’e halo ambiente kompetisaun sai animadu no hatudu interese komunidade nian ba dezenvolvimentu modalidade voleibol iha Timor-Leste.
(leo)
