DILI, STLTIMORLESTE.com – Konsellu Ministrus (KM) aprova projetu Dekretu-Lei kona-ba rejime promosaun estraordinária ba profisionál saúde sira iha Administrasaun Públika ba tinan 2026, vaga 1.874 ba profisionál saúde sira ne’ebé seidauk hetan promosaun ne’ebé aprezenta husi Ministra Saúde, Elia A. A. dos Reis Amaral.
Ministra Saúde, Elia A. A. dos Reis Amaral ba jornalista sira iha Palasiu Governu hafoin partisipa iha reunian KM iha Palasiu Governu Dili, (21/10/2026) dehan, rejime ne’e estabelese vaga 1.874 ba profisionál saúde sira ne’ebé seidauk hetan promosaun iha tinan 2025, inklui médiku, enfermeiru, parteira no tékniku sira iha área diagnóstiku, terapéutika no saúde públika.
Tuir Ministra, promosaun sira ne’e sei prodús efeitu husi 1 Jullu 2026.
Governu konsidera medida ne’e hanesan esforsu atu valoriza profisionál saúde, aumenta motivasaun no apoia dezenvolvimentu karreira, hodi kontribui ba hametin Servisu Nasionál Saúde.
(jos)
