DILI, STLTIMORLESTE.com – Graduadus universidade sira iha Timor-Leste hasoru dezafiu atu hetan empregu tanba oportunidade servisu iha rai laran seidauk natoon.
Reitór Institutu Siénsia Saúde (ICS), Leão Borges afirma katak, universidade sira produz rekursu umanu barak kada tinan, maibé kampu traballu seidauk absorve graduadus hotu.
“Rekursu umanu ne’ebé universidade sira produz kada tinan barak, maibé kampu traballu iha ita-nia rai menus,” dehan Leão Borges ba STL, Sesta (06/11/2026).
Nia hateten, limitasaun oportunidade empregu obriga joven Timoroan balu buka servisu iha rai li’ur atu hadi’a moris família no hetan rendimentu.
Tanba ne’e, Leão Borges husu Governu atu kria no aumenta oportunidade empregu ba graduadus sira ne’ebé remata ona estudu iha universitáriu.
(jac)
