DILI, STLTIMORLESTE.com – Artista Vidigal Pinto neebe mak konhesidu iha nasaun Timor Leste (TL), daudaun nee baixa iha Hospital Nasionál Guido Valadares (HNGV) iha sala Unidade Espesial de Internamentu (VIP) tanba sofre moras komplikadu.
Nia dehan, pasiente Vidigal Pinto baixa iha sala VIP numeru hitu (7), hafoin parte husi Sirurjia, Geolojia no Otopedic halo intervensaun ba nia moras nee.
“Ita nia maluk Vidigal Pinto nia moras duni depois husi parte Airurjia, Geolojia no Otopedic halo ona intervensaun ba nia moras nee, agora baixa hela,” Diretór Servisu Apoiu Diagnóstiku no Terapeutiku iha HNGV, Vidal de Jesus Lopes ba jornalista sira iha nia knaar fatin HNGV, Sesta (06/06/2025).
Nia esplika, pasiente Vidigal Pinto moras durante tinan barak nia laran, no daudaun nee nia halo tratamentu iha HNGV kuaze semana ida resin ona.
Nia esplika, pasiente nee mai baixa iha nee purvolta semana ida resin ona, tanba hetan moras nee kleur ona no komplikadu, nunee Doutór sira halo ona intervensaun no kondisaun jeral, laos pior liu no kondisaun jeral diak hela.
Nia informa, kona-ba planu atu halo transferensia ba rai liur nee bazeia ba nia moras neebe mak iha. Bainhira sira deside dehan labele mak sira ba aprezenta iha junta mediku mak hodi diskute karik prienxe kritériu bele haruka ba rai liur.
“Planu atu halo tratamentu iha rai liur nee, bainhira doutor sira labele halo atendimentu iha nee, se doutor sira halo ona atendimentu iha nee signifika la iha ona planu atu halo tratamentu iha rai liur,” nia sublinha.
Tuir Vidal katak, bainhira transfere pasiente ba rai liur tenke prienxe rekezitus sira neebe mak iha, tanba iha Hospital Nasionál Guido Valadares mos iha Doutor Espesialista neebe mak sufisiente atu bele atende pasiente.
“Los duni ita nia hakarak haruka ba rai liur, maibe tenke rekezitus balun iha nee, sira ba karik atu halo saida tanba ita iha nee mos espesialista barak bele halo intervensaun ba kazu sira nee,” nia hatutan.
Observasaun STL nia iha terenu, Artista Vidigal Pinto baixa iha sala VIP numeru 7 no daudaun nee kondisaun jeral diak oituan ona, maibe pasiente labele fo komentariu tanba sei moras.
(jen)
