DILI, STLTIMORLESTE.com – Autoridade Lokal Suku Kaikasa, motiva komunidade agrikultores atu nafatin hasae produsaun liu husi halo toos ho natar.
Liafuan motivasaun nee hatoo husi Xefe Suku Kaikasa, Euklides Torrezão katak, komunidade agrikultores mantein halo toos ho natar, hodi kuda hahan lokal sira, aleinde faan bele mos komsumu kada loron.
“Hanesan Autoridade Lokal, hau nafatin motiva komunidade agrikultures sira kontinua hasae produsaun rai laran, tanba ita haree Timor nee hahan maioria depende ba importasaun”, dehan Euklides Torrezão ba STL, liu husi telefone, Tersa (28/01/2025).
Nia dehan, komunidade sira idak-idak halao nia moris hanesan baibain, funsionariu kontinua servisu, agrikultores mos kontinua halo toos ho natar.
Maske folin merkadu balu normal ona, balu seidauk, maibe kontinua motiva komunidade sira nafatin mantein hasae produsaun rai laran.
(gui)