DILI, STLTIMORLESTE.com – Istoria halo ohin iha Aeroportu Internasional Prezidente Nicolau Lobato bainhira Batik Air Malazia ho numeru 9H-LRH lansa ninia servisu inaugural diretu entre Dili, Timor Leste no Kuala Lumpur, Malazia.
Lansa voo direitu entre Dili Kuala Lumpur hanesan marka milestone signifikante ida iha konektividade internasional Timor Leste nian no hanesan kompanhia aviasaun Malazia nian dahuluk neebe opera voo entre kapital rua nee Batik Air nia reafirma Malazia nia kompromisu atu hametin ligasaun rejionál.
Liu husi voo nee Timoroan sira asesu konveniente ba destinasaun 60 liu iha nasaun 20 iha Azia. Oriente Mediu, no Australia Servisu rua-dala-semana nee sei hadia mobilidade ba viajantu lazer no negosiu, fomese ha pasaleiru liu husi Aeroportu Internasional Kuala Lumpur (KLIA T1) Ho interese neebe kresimentu ba Timor-Leste husi rejiaun tomak, lansamentu nee representa pasu estratejiku no tempu diak iha avansa viajen, komersiu no turizmu.
Batik Air Malazia nia Diretor Ezekutivu Xefe. Datuk Chandran Rama Muthy, espresa orgulhu iha kompanhia aviasaun nia papel hanesan konstrutor ponte rejional, dehan katak inisiu rota voo foun nee signifika liu duke lansarnentu servisu ida deit, tanba nee marka saltu signifikante ida ba oin iha promove integrasaun rejional.
“Batik Air honra atu sai kompanhia aviasaun Malazia nian dahuluk neebe estabelese konektividade diretu ho Dili, no ami fiar katak servisu nee sei sai katalizador ba kolaborasaun neebe klean liu entre nasaun rua nee,” hatete Diretor Ezekutivu Batik Air Malazia, Datuk Chandran Rama Muthy, liu husi nota ofisial neebe STL asesu, Sesta (06/06/2025).
Na dehan, aumenta katak rota nee laos deit liga Timor Leste ho Malazia, maibe mos konekta nia povu ba mundu oportunidade neebe boot liu ba edukasaun, komersiu, turizmu ka viajen espiritua.
Nia nota tan katak rota foun nee refleta Batik Air nia kompromisu naruk ba hametin konektividade iha merkadu emerjensia sira, alinha ho ambisaun rejionai atu hadia asesu no mobilidade ba komunidade sira neebe la hetan servisu diak.
“Bainhira Timor Leste espande nia envolvimentu global, ami orgullu atu suporta progresu nee. Batik Air kontinua kompromete atu halo viajen internasional sai asesu liu, no ami espera atu simu viajantu Timoroan sira liu tan atu esperiensia diversidade, manas, no konektividade neebe Malaysia no ami nia rede oferese,” nia aumenta.
Entretantu Ministeriu Turizmu no Ambiente Timor Leste nian liu husi Diretor Jeral Turizmu, Antonio da Silva katak governu Timor-Leste orgullu ohin bele lansa ona voo foun entre Dili ba Kuala Lumpur, Malazia.
“Ami kontente atu simu servisu Batik Air foun nee husi Kuala Lumpur ba Dili, komplementa ami nia rede voo diretu ezistente husi Darwin, Singapura, Bali, no Xiamen.” Orgulhu Diretor Jeral Turizmu Antonio da Silva.
(alb)
