DÍLI, STLTIMORLESTE.com – Ekipa voleibol mane Munisípiu Baucau manan Aileu ho set 3–0, iha kompetisaun Festival Nasionál Desportu (FND) 2026.
Enkontru ne’e hala’o iha Kinta-feira, 19 Novembru 2026, iha Gináziu Desportu Dili, ho Baucau domina jogu hosi hahú to’o remata.
Iha set dahuluk, Baucau hahú jogu ho dominíu, maski Aileu koko atu halo rezisténsia. Baucau konsege manan set ne’e ho pontu 25–13.
Iha set daruak, ekipa rua disputa pontu ho intensaun atu hetan vantagem. Maibé Baucau kontinua kontrola jogu no manan ho pontu 25–17.
Iha set datoluk, ekipa rua hatudu luta maka’as atu buka vitória. Aileu koko atu aumenta pontu, maibé Baucau mantein dominíu no manan ho pontu 25–22.
Durante enkontru, apoiantes no simpatizantes husi munisípiu rua ne’ebé marka prezensa iha Gináziu Desportu Dili anima atleta sira ho aplauzu.
Ho rezultadu ne’e, Baucau manan enkontru ho rezultadu direta set 3–0 kontra Aileu, iha modalidade voleibol mane, FND 2026.
(leo)






