DNEIASE Husu STL Hadia Notisia

Jornal Suara Timor-Timur. (Foto: Espesial)

DILI, STLTIMORLESTE.com – Diretor Nasional Edukasaun Inkluzivu Asaun Sosial Eskolar (DNEIASE), Fernando Soares husu ba Media Suara Timor Lorosae (STL) atu hadia notisia neebe hatun iha jornal STL.

“Liafuan ruma mak dala ruma baibain nee, bainhira ita boot sira atu terbit ka publika nee tenke kontrola ou lee halo didiak, hafoin mak bele publika, tanba iha liafuan balu dala ruma liafuan balu la han malu ho asuntu neebe mak iha, nee duni antes atu halo publikasaun notisia iha jornal, tenke cek no lee halo didiak tiha mak publika iha jornal, bele mos konfirma fali ho fontes neebe halo entrevista ona,” dehan nia.

Fernando dehan, bele konfirma ho fontes neebe jornalista sira halo entrevista ona, keta ho asuntu importante ruma nee presiza halo konfirmasaun, nunee mos cek fali notisia nee mak publika, tanba dala ruma liafuan balu kontradis fali, liafuan kahur malu, ezemplu mak tetum ho português, maibe diak liu mak karik hakerek ona tetum, nee tetum loos deit ona.

“Dala ruma hakerek notisia liafuan tetum ho português nee kahur malu deit, labele kahur fali ho lian português, ida nee hanesan sujestaun deit, ho nunee bele hakerek notisia neebe mak ho kualidade neebe diak liu tan, hakerek komunidade nee uza fali letra C, nee hau fo ezemplu deit, ba futuru bele haree ida nee,” nia esplika.

Nia dehan, ba oin nee tenke hadia buat sira nee, ho nunee leitor sira bele lee notisia nee diak no atrai ema atu lee notisia, foti ninia judul notisia mos bele atrai leitor sira hodi sosa jornal STL, maibe judul notisia mos tenke han malu ho isi berita, para atrai ema atu lee jornal.

(jac)

Share it :

Leave a Reply

Your email address will not be published. Required fields are marked *