DILI, STLTIMORLESTE.com – Semana ida ka rua konstrusaun edifisiu foun Eskola Sekundariu Nobel da Paz bele finaliza ona, hodi entrega ba eskola uza halao prosesu ensinu aprendizajen ba estudante sira.
Diretor Eskola Sekundariu Nobel da paz, Jeremias P. de Jesus hatoo lia hirak nee ba STL iha nia knaar fatin, Tersa nee (04/03/2025).
“Kona-ba ami nia edifisiu foun nee falta semana ida ou rua finaliza no entrega ona mai ami, ami nian edifisiu foun nee halo andar ho nia total sala aprendizajen 12, okos sala 6 no iha andar leten sala 6 hamutuk sala 12, inklui ho haris fatin, tanba ami nian edifisiu foun ho andar sala 12 nee remata bele fasilita ona ami nian estudantes sira hodi partisipa diak liu tan iha prosesu aprendizajen, tanba ita nian estudantes sira durante nee uza aula tuan, agora ho edifisiu foun nee sira bele uza ona, karik la sufisiente mak bele uza ami nian aula tuan neebe antes nee ami nian estudantes sira uza ona,” nia esplika.
Nia hatutan, edifisiu foun nee sira uza rasik sira nian osan, ho ida nee falta semana ida ka rua para finaliza ona, hodi entrega ba eskola uza halao ba prosesu ensinu aprensizajen kada loron ba estudantes sira, tanba Eskola nlNobel da Paz kada tinan numeru estudantes nee sempre aumenta beibeik.
“Ami nian eskola ida nee kada tinan numeru estudante nee sempre aumenta beibeik deit, ho ida nee ami tenke kria kondisaun liu husi prepara sala ou aumenta sala ba ami nian estudantes sira, nee duni edifisiu ho andar sala 12 tempu besik nia laran finaliza ona, para bele entrega ona mai ami,” nia deklara.
Entretantu Rosito Nunes da Costa nuudar estudante afirma, edifisiu foun nee besik remata ona, tanba agora daudaun konstrusaun atu finaliza ona, maibe sira sei uza sala tuan ka edifisiu tuan, edifisiu foun nee andar 12, sala balu iha leten no balu iha okos.
(jac)
