DILI, STLTIMORLESTE.com – Padre Paul Kerans, SVD hatete, susesu neebe ema hetan laos eforsu mesak, maibe nee tanba grasa mai husi Maromak, tanba nee ema presiza agradese ba buat neebe hetan.
Padre Paul hatoo kestaun nee ba STL, Segunda (01/06/2026) liu husi refleksaun Segunda husi evanjelho marcos 12:1:12 hatete katak susesu neebe ema hetan husi nia moris nee laos esforsu mesak deit maibe grasa nee mai husi Nain Maromak.
“Ita nia susesu laos deit tanba ita nia esforsu rasik, maibe tanba Maromak, neebe permite ita atu hetan susesu no iha fatin neebe ita iha. Entaun, saida maka ita fo fali ba Maromak hodi troka?,” dehan Padre Paul.
Padre hatete, uha evanjelhu ohin nian, Jesus haktuir istoria konaba ema ida neebe iha toos uvas nian no prepara nia toos atu aluga. Arrendatariu sira laiha problema atu hetan kreximentu no susesu finanseiru iha toos uvas tanba nain prepara ona ba sira.
Toos uvas nee reprezenta Izrael, no toos nain sira mak Izrael nia ulun nain relijiaun sira. Nai Maromak maka toos uvas nia nain, no atan sira maka Ninia mensajeiru sira, simboliza profeta sira. Toos nain nia oan mane neebe nia hadomi mak Jesus.
Bainhira kolleita too ona, toos nain husu nia parte, maibe toos nain sira kanten tebes no sira la fo buat ida ba Ninia mensajeiru sira. Sira hotu oho mensajen sira, inklui toos nain nia oan mane rasik.
“Se ita aplika aiknanoik nee ba ita nia tempu ohin loron, ita hetan katak toos uvas nia nain mak Maromak, no ita mak arrendatariu sira. No nuudar arrendatariu sira, ita hein atu fo fila fali ba Maromak parte ida hosi saida maka ita iha daudaun, Moris nee badak, tan nee, mai ita selu fali Maromak nia laran diak wainhira ita sei moris. Mai ita selu fali Maromak nia laran luak ka mai ita habelar liu husi hahalok domin nian ba ema seluk neebe presiza ita nia domin. Tuir loloos, iha dalan oioin atu selu fali Maromak nia laran diak,” katak Padre.
Saida maka ema fo ba Maromak hodi troka? “Ita fo ona ba Nia ita nia talentu, tempu, hanoin no rekursu sira? Bainhira ita fo fali ba Maromak, ita husik Nia atu haraik bensaun liu tan mai ita. Amen.” Hakotu.
(eme)
