DILI, STLTIMORLESTE.com – Prosesu ensinu aprendizajen ba estudantes sira iha Eskola Sekundariu Jeral 10 de Dezembro Comoro lao diak hanesan baibain.
“Hau hanoin ami nian atividades prosesu aprendizajen ba ami nian estudantes sira lao diak hanesan baibain, no profesores ida-idak tama aula tuir orariu neebe mak establese ona, nee duni atividades hotu lao diak. Ita hirak neebe sai manorin no inan aman, iha eskola bainhira profesores balun moras no lisensa nee ita haree,” dehan Diretor Eskola Sekundáriu Jeral 10 de Dezembro Comoro, Manuel Verdial ba STL iha nia knaar fatin, Segunda nee (08/06/2026).
Manuel dehan, bainhira profesores sira diak hela no estudantes sira tama iha aula, maibe iha ida rua mak nesesidade moras, nee dala ruma sai ba iha liur, maibe estudantes hotu iha sala de aula, total estudantes 1.644, total profesores 63, sala de aula 34.
Entretantu Olavio da Costa Martins, hanesan estudante dehan, sira tama eskola meudia, tanba dader nee estudantes ensinu baziku sira mak sei uza, konaba prosesu aprendizajen iha eskola lao diak, tanba profesores ba kada disiplina ida-idak hanorin sira tuir orariu neebe mak iha, estudantes maioria mak partisipa iha aprendizajen husi profesores sira.
“Ami tama eskola meudia, tanba dader nee estudantes ensinu baziku sira mak sei uza, konaba prosesu aprendizajen iha eskola lao diak, tanba profesores ba kada disiplina ida-idak hanorin sira tuir orariu neebe mak iha, estudantes maioria mak partisipa iha aprendizajen husi profesores sira,” nia akresenta.
(jac)
