DILI, STLTIMORLESTE.com – Eskola Sekundariu Jeral (ESJ) FINANTIL ezekuta ona konsesoins eskolar 75%, osan refere uza ba iha atividades extra kurikuler no aniversariu Eskola FINANTIL.
“Konsesoins eskolar tinan ida nee mai iha eskola FINANTIL, tanba ami tinan ida nee hakarak hadia kualidade montante osan nee hamutuk US$ 5,780, agora daudaun ami ezekuta ona 75%, nee ami uza ba iha atividades ezame ninia, no atividades agora daudaun lao hela nee nomos uza ba iha atividades extra kurikuler neebe mak ami halao iha eskola,” dehan Diretor Eskola Sekundariu Jeral FINANTIL, Aniceto Berlelo ba jornalista sira iha ESJ FINANTIL Aimutin, Kinta nee (05/06/2025).
Nia hatutan, ida seluk mak sira halo atividades certame iha Cristal, nomos atividades desportu nian neebe mak sira ba partisipa iha Ministeriu Juventude Desportu, ida nee mak uza ba atividades sira nee, nomos ba atividades sira seluk tan.
(jac)
