GALA Husu STL Halao Kobertura Iha Area Remotas

Koordenador Gabinete Avaliasaun Lisensiamentu no Akreditasaun, Antonio Tomas Maia. (Foto: Tatoli)

DILI, STLTIMORLESTE.com – Koordenador Gabinete Avaliasaun Lisensiamentu no Akreditasaun (GALA), Antonio Tomas Maia husu ba Media Suara Timor Lorosae (STL) atu halao kobertura ba too iha area remotas, duke loron-loron foti mak notisias husi Governu, Parlamentu Nasional no seluk tan.

“Presiza foka ba notisia ka editorial neebe kritiku, maibe bele kontribui ba halo mudansa iha sosiedade, estadu, igreja. Minimiza notisia neebe halo ajitasaun, tanba nee bele hamosu violensia. Husu atu foti mos notisia iha area rurais, duke loron-loron notisia mak governu, parlamentu no seluk tan,” dehan Antonio ba STL iha nia knaar fatin Vila Verde, Segunda nee (27/01/2025).

Nia afirma, notisia neebe bele promove turizmu, kultura no seluk tan, konteudu notisia barak la balansu iha tendensia halis ba partes balu, oinsa ba oin STL haree ida nee, presiza halo balansu ba notisia.

“Tenke halo notisia neebe balansu. Notisia neebe “Research Based” nee importante tebes, ho aniversariu ba dala 32, ba oin presiza hadia notisia neebe diak no kualidade,” dehan nia.

(jac)

Share it :

Leave a Reply

Your email address will not be published. Required fields are marked *