DILI, STLTIMORLESTE.com – Kada loron estudantes sira partisipa iha prosesu ensinu aprendizajen husi profesores sira, lao tuir orariu neebe iha ona.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba jornalista STL, Kuarta nee (11/06/2025).
“Ami nian prosesu aprendizajen kada loron lao dia tebes, dader estudantes sira mai sedu eskola atu nunee partisipa iha atividades prosesu aprendizajen husi ita nian kada profesores sira, tanba tempu besik ita mos sei halao ezame segundu periodu ninia, ho ida nee ita nian profesores sira lao tuir orariu neebe mak iha ona,” dehan nia.
Jeremias hatutan, estudantes sira labele falta eskola, liu-liu hirak neebe atu partisipa iha ezame nasional ninia, tanba nee estudantes hotu mai eskola para tama sala hodi tuir materia husi profesores idak-idak, tuir orariu neebe mak prepara ona.
Nunee mos Diretor EBC Manleuana, Carlos Correia hatete, profesores sira halao aprendizajen tuir orariu neebe iha, nee duni prosesu aprendizajen lao hanesan baibain no profesores sira hanorin bazeia ba orariu idak-idak neebe iha ona.
“Hau hanoin ita nian profesores sira halao aprendizajen tuir orariu neebe iha, nee duni prosesu aprendizajen lao hanesan baibain no profesores sira hanorin bazeia ba orariu idak-idak neebe iha ona,” tenik nia.
(jac)
