DILI, STLTIMORLESTE.com – Instituisaun FALINTIL Forsa Defeza Timor Leste (F-FDTL) simu motorizada ualu (8) husi kompanhia Timoroan Fortune Star, oferese ba Komando F-FDTL hodi utiliza ba atividade servisu.
“Lori instituisaun nia naran hakarak hatoo agradese no obrigadu wain ba kompanhia Fortune Star apoiu ba kondisoens neebe mak ami enfrenta, motor sira nee Instituisaun F-FDTL simu gratuita, neebe mak ita nia emprezariu Timoroan sira oferese ba ita hodi fasilita ba servisu Forsas Armadas nian,” hatete Xefe Estadu Maior FALINTIL-Forsa Defesa Timor-Leste (F-FDTL), Brigadeiru Jenerál, José da Costa Soares “TRIX” ba jornalista sira iha Fatuhada, Tersa (04/03/2025).
Iha fatin hanesan, Diretor Kompanhia Fortune Star, Kenneth Lay esplika, hanesan Timoroan hakarak apoiu motor unidade 8 nee, hodi apoiu forsa bele servisu ho diak, ida nee entrega ho laran ba forsa bele uza.
“Ami rona ita nia forsa enfrenta oituan bá transporte, tanba nee ami hakarak apoiu ho gratuita motor unidade 8 bá Instituisaun F-FDTL, ida nee sasan oituan, maibe espera bele ajuda netik ita nia forsa sira,” nia esplika.
Entretantu Motorizada neebe mak Kompanhia Fortune Star, Timor Safari, Star King no Eastern Star Motor (ESM) oferese motor ualu 8 ho tipu Yamaha WR rua (2) no Yamaha XTZ neen (6) no kapasete ualu (8) ba Instituisaun F-FDTL.
(jen)
