DILI, STLTIMORLESTE.com – Ministru Justisa konsidera katak, ita nia pasaporte kualidade diak no iha kualifikasaun neebe aas.
Tuir Ministru Justisa, Sergio Hornai katak, ita nia pasaporte kualidade aas, no ita okupa kintu lugar.
“Ita nia pasaporte iha kualidade ida diak liu tan ba iha oin, hau hateten dehan ita tama iha mais de 50 pais neebe ita bele hateten katak iha mundu, signifika ita iha ASEAN ita okupa iha terseru kuatru lugar ka kintu lugar, entre nasaun sira sanulu resin neebe iha ASEAN nian no mos iha CPLP mos iha kualifikasaun ida neebe aas, depois de Portugal,” dehan Ministru Justisa ba jornalista sira iha Edefisiu MJ, Segunda (09/06/2025).
Nia hatutan, koalia kona-ba politika deometrik politika dijitalizasaun ita nia pasaporte ho kualifikasaun neebe aas.
Iha fatin ketak, Diretor Rejistu Notariadu, Agustinho Gonsalves Viera dehan, atendimentu ba pasaporte kontinua lao normal, no iha ona planu atu halo akizasaun ba kaderneta pasaporte foun.
“Atendimentu ba pasapore lao normal, ita mos iha ona planu atu halo akizasaun ba kaderneta pasaporte foun, no kaderneta neebe iha agora daudaun bele garante hodi atende komunidade sira,” dehan nia.
Hatutan tan, agora atendimentu lao normal, sira neebe halao servisu urjente kontinua atende, no sira neebe rejista ona online kontinua atende.
(ter)
