DILI, STLTIMORLESTE.com – Komisaun Ezekutiva Zona Ekonomika Espesial Dezenvlvimentu Oekusi-Ambeno (KE-ZEEDOA) aprezenta servisu ba Xefe Ezekutivu Kay rala Xanana Gusmão, kona-ba finaliza ona relatoriu KE-ZEEDOA no mos Enkuadramentu Legal.
Tuir Koordenador Komisaun Ezekutiva Zona Ekonomika Espesial Dezenvlvimentu Oekusi-Ambeno (KE-ZEEDOA), Joao mendes Gonsalves hatete, sira halo audensia ho PM hodi mai aprezenta servisu, nuudar koordenador ba komisaun ezekutiva neebe atu harii Zona Ekonomika Espesial Dezenvolvimentu Oekusi-Ambeno ho nia visi nain 2, hetan mandatu husi Konselhu Ministru tinan ida, atu halo servisu no relatoriu kona-ba servisu estadu rejiaun nian no mos planu estratejiku dezenvolvimentu Oekusi-Ambeno no enkuadramentu legal, ho nia projesaun orsamental.
“Ami mandatu tinan ida kompleta servisu, atu remata karik iha fulan Fevereiru, no servisu hotu ona no mai entrega tiha relatoriu ba PM, neebe aban ami sei mai halo aprezentasaun iha Konselhu Ministeru”, katak Koordenador Komisaun Ezekutiva Zona Ekonomika Espesial Dezenvlvimentu Oekusi-Ambeno (KE-ZEEDOA), Joao mendes Gonsalves ba jornalista sira hafoin remata hasoru PM Xanana, iha Palasiu Governu, Tersa (10/12/2024).
Nia hatutan, sira servisu todan tebes, tanba iha dezafius oin-oin, sira laiha orsamentru rasik no sira depende ba orsamentu RAEOA nian, maibe konsege ultrapasa situasaun difisil nee no realiza mandatu nee simu husi KM no aban sei mai halo aprezentasaun iha KM depois KM desidi atu aprova tiha relatoriu sira hotu no enkuadramentu legal.
Tuir nia, enkuadramentu legal nee tuir reuniuan neebe iha ona ho PCM katak sei iha, hamutuk Lei 4 mak atu aprova hanesan Lei Jeral Estabelese Jonas Ekonomikas Espesaiais, neebe futuru bainhira governu desidi ona fatin ida sai zona ekonomika espesial bele halo kedas, hanesan Atauro, futuru mai atu harii zona espesial ekonomika lei jeral iha ona.
Nunee mos lei ida kria ZEEDOA neebe ho statutu, estrutura ho nia organika rasik, nunee iha lei nee mos define kompetensia saida mak ZEEDOA iha, nunee iha planu futuru ba dezenvolvimentu ba Oekusi-Ambeno nian. Iha tan lei ida liga ba fundu espesial dezenvolvimentu Oekusi-Ambeno, tanba uluk iha ZEEMS iha fundu iha nia okos, maibe depois alterasaun ba lei RAEOA nian ba fali ha RAEOA, neebe KM mak sei desidi depende ba ZEEDOA.
Nia hatete, relatoriu neebe iha daudaun nee hanesan planu indikador ho opsaun estratejika ba futuru, sira seidauk halo planu detalhada, tanba atu halo nee presiza estudu biavilidade lubuk, no presiza osan no tekniku.
“Ami limitadu ba osan, tanba osan depende deit ba RAEOA, tempu hotu mak ami halo too indikador ba grandes opsaun estratejika neebe atu halo, hein katak osan iha bele halo ona estudu biavilidade, tanba iha inisiativa prioridade neebe hanoin atu deklara Oekusi ba zona franca no estabelese parki espesial iha Oekusi”, tenik nia.
Tuir nia, sira halo hela planu indikador ba futuru osan iha halo estudu biavilidade hodi halo planu detalhadu ba too 2030.
Entretantu, Primeiru Ministru Kay Rala Xanana Gusmão orgullu ho servisu neebe prepara ona, neebe aban iha KM mak desidi hodi aprova tiha relatoriu hotu no enkuadramentu legal balun sei haruka ba iha Parlamentu, neebe agora enkuadramentu legal entrega ona ba gabinete juridiku prezidensia Konselhu Ministru, atu nee halo analiza final hodi fializa ba aprezentasaun KM.
(gui)
