DILI, STLTIMORLESTE.com – Relasiona ho Politika IX Governu Konstitusional liu-liu Sekretariu Estadu Formasaun Profisional no Empregu (SEFOPE) halo akordu ho kompania 5, promete hodi rekruta trabalhador Timoroan ba servisu iha Australia.
“Ita haree planu Governu liu husi SEFOPE hamutuk ho Governu Australia sempre halo rekrutamentu ba trabalhador Timoroan sira, hodi ba servisu iha Australia, iha area Agrikultura no hortikultura nian, hodi bele halo mudansa ba moris,” dehan Sekretariu Estadu SEFOPE, Rogério Araújo Mendonça liu husi nia diskursu iha Kaikoli, Kinta (12/12/2024).
Tuir Sekretariu Estadu nee katak, empregador 5 husi Australia mai TL, hodi koalia kona-ba oinsa atu halo rekrutamentu ba Timoroan sira, tanba nee Kompanhia sira promete atu lori Timoroan kontinua ba servisu iha Australia.
Tanba nee empregador hirak nee rektruta trabalhador Timoroan ba servisu iha Australia no sira mos kompremitidu atu halo mos investimentu iha TL, nee hatudu katak Governu rua nee nia kooperasaun metin.
Iha fatin hanesan, nain ba Empregador sira husi Australia, Tony Chafer hatete, nuudar empregador husi Australia kompromete hodi kontinua halo rekrutamentu ba Trabalhador Timoroan sira, neebe ho objetivu atu kontinua dezenvolve dezenvolvimentu no fortifika nesesidade ekonomia iha rai laran.
“Ami sente kontente tebes ba servisu hamutuk, no ami promete atu kontinua nafatin hametin kooperasaun entre Kompanhia Australia ho Governu TL liu husi SEFOPE, oinsa bele prepara Timoroan sira hodi ba servisu iha Australia,” nia sublina.
Tanba prosesu ida nee hakarak iha futuru neebe ho komitmentu, nunee Governu servisu hamutuk ho SEFOPE, hodi fo oportunidade ba joven Timoroan sira ba servisu iha Nasaun Australia, atu hadia moris no transforma moris.
(EST 1)
