La Nesesariu Harii Banku Ba Veteranu

Diretor AJAR, Jose Luis de Oliveira. (Foto: STL/EST 1)

DILI, STLTIMORLESTE.com – La nesesariu atu kria banku ba veteranu sira, diak liu tau prioridade ba joven sira, tanba sira mak futuru nasaun nian.

Lia hirak nee hatoo husi Diretor AJAR, Jose Luis de Oliveira ba jornalista sira iha nia knaar fatin Farol, Dili, Tersa (14/12/2025).

Nia dehan, veteranu nee tempu liu ona, sira laos futuru ba nasaun, agora presiza agradese ba sira fo omenajen ba sira, se koalia kona-ba banku nee parte husi dezenvolvimentu ekonomia, tanba nee tenke tau prioridade banku ba joven, alokasaun orsamentu ba joven tanba joven mak futuru ba nasaun nian.

“Ba hau, se buat hotu konsentra ba veteranus nee ita fila ba kotuk, futuru iha joven, tenke investe iha joven inklui mos kria ba banku sira iha Australia, joven sira bele asesu ba fundu sira iha banku para akaba sira nia eskola depois mak aban bainrua nia selu, kuandu nia servisu fali ida nee tenke klaru laos ba veteranus, veteranus nee katuas ona ita hadia sira nia rate, jardim eroi, se nasaun mak fokus ba veteranus nee hanesan lori dezastre ba aban bainrua, hau laos kondena veteranus,” dehan Jose Luis.

Nia hatutan, vetaranu nee presiza respeita no dignifika sira ho kondisaun sira, maibe koalia fali futuru nasaun nia iha joven nia liman, tanba nee tenke investe barak iha joven, laos tanba veteranus ba duni sai joven husi arte moris katuas sira mak ba iha neeba be katuas sira moris tinan hira, tanba labele muda katuas ba fali joven.

“Ita nia joven mak futuru nasaun nian, ba hau banku ba veteranu mai la nesesariu, mai hau nesesariu tanba nesesariu nee joven, katuas sira hein mate ona nee o fokus fali sira, sira presiza moris diak ka joven sira mak presiza moris diak,” katak nia.

Nunee mos Visi Diretor HAK, Antonino de Lima afiram, kria banku ba veteranu ida nee veteranu mak tau sira nia osan nee iha grupu boot, kuandu koa sira nia osan se tuir kriteria banku nia hodi bele responde ba sira nia nesesariu ou nesesidade bele deit.

“Bele deit importante mak kumpri rekejitu sira neebe banku sentral fo, depois loke oportunidade ba membru veteranu ho familia atu bele asesu osan iha banku, bele fo kreditu fo funan kiik depois bele apoiu familia veteranu sira ho sidadaun sira neebe presiza halo bisnis,” katak nia.

(eme)

Share it :

Leave a Reply

Your email address will not be published. Required fields are marked *