DILI, STLTIMORLESTE.com – Moris iha mundu sempre ho dezafiu oin-oin, maibe keta monu ba ema nia hanoin sala nian, maibe koko hasae aan nafatin ba Maromak hodi hetan grasa husi Nai.
Lia hirak nee hatoo husi Padre Richardo Pasang, SVD ba STL liu husi nia refleksaun Tersa nee (02/06/2026) hatete, Nai sempre fo hanoin ba nia ema sira katak kuidadu aan atu labele monu ba ema nia hanoin sala, maibe nafatin hasae aan ba Maromak, moris tuir nia ukun hanorin sira.
Padre dehan, reflasaun diaria, Domingu baibain sira IX / Festa Opsional S. Marselinu & S. Pedro Martir, Leitura dahuluk: 2 Pedro 3:12-15a, 17-18 Ita hein lalehan foun no rai foun “Pedro konvida halo lalais mai loron Maromak nian. laos ho kalenderiu, maibe ho moris. Ho maneira oinsa? esforsu aan atu Maromak hetan ema la iha sala no moris puru nian, iha dame.
“Nia fo hanoin katak, hanoin didiak no kuidadu atu labele monu ba iha ema hanoin sala nian, maibe hasae aan nafatin ba iha Maromak nia grasa no iha konhesimentu ba ita nia Nai no Salvador Jesus Kristu, Lia-fuan badak, hein Maromak nia mai nee ativu, laos pasivu. Ita hein lalehan foun no rai foun, ita tenke tau-matan ba Ita moris mos nafatin, Moris Iha dame, no buras Iha domin ba nafatin,” dehan Padre Richardo.
Padre hatete Evanjellu Marcos 12:13-17 koalia katak Fo ba Kaisar buat neebe Kaisar nian, no fo ba Maromak buat neebe Maromak nian.
Fariseu sira ho Herodiano sira hakarak hamonu Jesus konaba impostu. Jesus husu ba sira Imajen se nian no hakerek saida? Sira hatan Kaisar nian. Tuir mai Jesus dehan fo ba Kaisar buat neebe Kaisar nian. Maibe sentru iha nee fo ba Maromak buat neebe Maromak nian.
“Pergunta ba reflasaun ohin Ita hayan Maromak nia imajen iha ita-nia moris? Se koin iha Kaisar nia imajen, oinsa ema iha Maromak nia imajen – Gen 1:27. Entaun saida mak dignu atu ita fo ba Maromak? Salmu Responsoriu Salmu 90:2,3-4,10,14,16 Maromak, O mak ami-nia refujiu ba gerasaun ba gerasaun, Ami-nia tinan 70, 80 se ita forte Enxe ami iha dadeer ho O nia domin, Salmu nee tau ekilíbru ba Leitura dahuluk moris badak & pasa lalais. Maibe Maromak nafatin hosi uluk too ba nafatin. Entaun ita husu Nia hanorin ita loron loron atu hetan fuan matenek,” dehan Padre.
Padre dehan, reflasaun sidadania rua, imajen ida, ohin sai sidadaun neebe kaer buat rua dala ida premeiru Moris hanesan sidadaun lalehan foun maibe nafatin sidadaun mundu nian, segundu Pedro dehan ema hein lalehan foun no rai foun. Maibe Marcos dehan selu impostu, respeita nasaun. Fiar la konvida ema halai husi mundu. Fiar hanorin ema moris lolos iha mundu no saudades ba moris Rohan laek.
“Ita hotu dala barak prekupa ho atividade loron-loron nian Kaisar nia direitu, Maibe labele haluha Maromak nia direitu, orasaun dadeer, agradesimentu, Misa Domingu, fuan laran moos, ajuda ema seluk, no seluk tan Buat rua nee tenke lao hamutuk. Kontrolu imajen neebe iha O nia an! Jesus husu konaba imajen iha Ita fuan, Agora Nia husu ba ita, imajen se mak ema haree iha o nia moris? Imajen fuan manas, hirus ten? Imajen gulosu? Imajen osan? Imajen prezidente? Ka imajen Maromak domin, pasiensia, justisa? Pedro dehan, Esforsu ba nafatin iha konesimentu ba Nai. Bainhira ita konese Maromak liu tan, Nia nia imajen sae makaas liu tan iha ita-nia oin, Iha Ita moris. Santu Marselinu & Pedro Martir ohin mate tanba sira la hakarak Kaisar nia imajen aas liu Kristu nia imajen. Sira hili fo Maromak nia direitu ba Maromak, maske risku vida. Ita barak iha ita nia laran gosta imajen se?” dehan Pe.
Pe dehan, hein ho dame, laos ho tauk, Pedro dehan Maromak nia pasiensia oportunidade atu hetan salvasaun. Salmu dehan enxe ami iha dader ho O nia domin, atu ami haksolok. Entaun se moris o nafatin tauk hein laos mamuk. Hein tau matan ba fuan moos nafatin, dame nafatin, buras ba nafatin. Maromak la tarde. Nia fo tempu deit atu ema prepara an.
“Komprimisu ba ohin, Dadeer Harohan Salmu 90:14 – Enxe hau ho O nia domin atu hau haksolok, Meudia: Kontrolu o nia koin servisu, osan, tempu. Fo ona porsaun loos ba Maromak ka seidauk? Tuku Husu ba an ohin Maromak nia imajen klaru ka lae liuhosi hau-nia atitude ba ema seluk? Orasaun final, Nai, O mak ami nia protektor ba jerasaun ba jerasaun. Hanorin ami hein O nia mai ho moris la iha sala no dame. Tulun ami fo ba mundu buat neebe mundu nian, no fo ba O buat neebe O nian. Halo O nia imajen sai makaas liu tan iha ami nia moris. Iha Jesus nia naran, Amen,” hakotu.
Nunee mos Padre Paul Kerans SVD hatutan Evanjelho marcos 12:13-17 sempre halo buat neebe loos no loos ka lae? Iha Evanjellu ohin nian, ema Farizeu no Herodianu sira koko hela Jesus konaba selu impostu neebe justu ba Cesar. Jesus, hatene sira nia planu aat, husu deit ba sira Se nia imajen iha osan-besi nee? Sira hatan Nee Liurai Roma nian.
“Entaun, Jesus hatete ba sira katak sira tenke selu impostu ba Cesar ho razaun simples katak nia maka ukun-nain. No depois Jesus dehan ba sira atu fo ba Maromak buat neebe Maromak nian (Markus 12:17), Pergunta importante liu agora mak, saida mak pertense ba Maromak, ka saida mak ba Maromak? Buat neebe pertense ba Maromak neebe ita tenke fo ba Nia mak tempu neebe ita iha atu fo ba Nia ho gratuitu. Ita iha tempu barak loron-loron atu reza hahu hosi momentu neebe ita hadeer iha dadeer too momentu neebe ita toba iha kalan,” dehan Padre.
Pe dehan, iha tempu loron-loron no iha Domingu sira neebe tenke fo ho livre ba Nia durante Misa. No ema mos tenke oferese forma sira seluk adorasaun no servisu nian ba igreja ba Maromak.
“Depois ita bele husu, saida mak ita sei simu se ita fo ba Maromak buat neebe loloos Ninian? Resposta mak ita sei hetan serenidade, dame, no ksolok iha moris nee, no ita mos sei iha ita-nia dalan ba lalehan bainhira ita-nia viajen iha rai nee remata,” hakotu.
(eme)
