DILI, STLTIMORLESTE.com – Tinan ida nee husi kapital dezenvolvimentu iha projetu 14 no hetan sala de aula pur volta 46, laiha orsamentu ba rezidensia profesores.
“Tinan ida nee husi kapital dezenvolvimentu iha projetu 14, nee ita bele dehan katak, ita hetan pur volta 46 sala de aulas, laiha orsamentu ba rezidensia profesor, maibe liu husi Programa Nasional Dezenvolvimentu Suku (PNDS) husi Ministeriu Administrasaun Estatal (MAE), sira mos halo relatoriu, halo mos rezidensia ba profesores projetu 14 ninia orsamentu US$ 1 milhaun resin,” dehan Ministra Edukasaun, Dulce de Jesus Soares ba STL, Tersa nee (18/02/2025).
Iha fatin la hanesan, Diretor Edukasaun Munisipiu Ainaro, Patricio da Costa Magno hatete,.profesores neebe mak ME koloka mai iha Munisipiu Ainaro nee iha primeiru kolokasaun nee hamutuk 42, koloka faze segundu hamutuk 43, hamutuk 85 profesores neebe koloka mai iha Ainaro.
Nunee mos Diretor Edukasaun Munisipiu Manatuto, Patricio da Cruz Quintao hatete, total profesores neebe ME koloka mai iha Manatuto nee hamutuk 100 resin nunee, kona-ba sira nian hela fatin nee mak balu aluga uma, balu komunidade oferese fatin gratuita ba sira hodi hela, tanba seidauk iha rezidensia ba sira.
(jac)
