DILI, STLTIMORLESTE.com Tribunal Judisial Primeira Instansia Dili (TJPID) halao julgamentu ba arguidu FdSG, tanba komete krime hasoru lezadu inisial CG.
Iha faktus katak, loron 18 Outubru 2024, maizumenus tuku 4 lokraik, iha vila Nu Badak, Suco Akadiru Hun, Postu Administrativu Nain Feto, Munisipiu Dili. Iha momentu neeba arguidu lanu no hahu hasai liafuan ofensivu hasoru lezadu.
Bainhira lezadu koko atu hakalma nia, arguidu ba dapur, foti Rama ho tudik, no koko atu ataka lezadu.
Maibe sira nain rua nia aman halo intervensaun hodi haketak sira, no prende tudik neebe iha arguidu nia liman.
Arguidu nia hahalok limita populasaun nia asesu ba rekursu esensial ida, hodi afeta liberdade sirkulasaun no ezersisiu atividade bazika sira.
Arguidu atua ho livre, voluntariamente no konsientemente, konsiente katak utilizasaun kilat bladed iha fatin publiku no kria perturbasaun ameasa orden publiku, seguransa koletiva no trankuilidade sidadaun sira nian.
Tuir termu sira husi Lei No. 5/2017, neebe regula rejime legal neebe aplikavel ba pose no utilizasaun arma branka, iha artigu 2, numeru 2, sub-alinea g) konsidera kualker instrumentu tesi ka perfurasaun neebe uza ho intensaun atu halo intimidasaun ka agresaun iha espasu publiku nudar arma branka neebe lei bandu.
Iha audensia julgamentu nee, arguidu FdCG deklara, faktus sira neebe mak Ministeriu Publiku duun ba arguidu nee loos hotu, tanba iha momentu nee arguidu ho kondisaun lanu, no durante nee arguidu ho lezadu la iha problema.
Tribunal haree katak arguidu konfesa imparsial ba faktus, tanba nee Tribunal deside atu la rona tan deklarasaun husi lezadu nian. Ho nunee deside atu tama kedan ba iha alegasaun.
Iha alegasaun Ministeriu Publiku liu husi Prokurador Pedro Baptista, husu Tribunal atu aplika pena minimu ba arguidu FdSG, tanba lori tudik ameasa lezadu CG.
MP deklara, arguidu lori tudik ameasa lezadu CG ho kondisaun lanu hasai liafuan kroat hasoru lezadu CG, no halai ba dapur hodi foti tudik ameasa lezadu.
MP husu Tribunal atu tetu hahalok arguidu nia, hodi aplika pena minimu ba arguidu, nunee iha futuru arguidu labele repete tan arguidu nia hahalok.
No parte Defeza ba arguidu husu Tribunal tetu atu aplika pena neebe justu ba arguidu.
Prosesu nee prezide husi Juiz Singular, Ministeriu Publiku reprezenta husi Prokurador Pedro Baptista, arguidu hetan asistensia legal husi Defensor Publiku nain ida.
(ter)
