DILI, STLTIMORLESTE.com – Iha fulan kotuk Ministeriu Edukasaun (ME) direita mai fo ona apoiu livru manual ba Ensinu Baziku Sentral (EBC) lima (5) neebe lokaliza iha Munisipiu Ainaro.
Asuntu nee hatoo husi Diretor Servisu Edukasaun Munisipiu Ainaro, Patricio da Costa Magno ba jornalista STL liu husi telefone, Sesta nee (06/06/2025).
“Kona-ba livru manual nee, ami nian ba ensinu hotu-hotu, maibe karik atus ida mai ona, hau hanoin livru hotu-hotu sira fo mai ita ona, nee sira fo direita ba eskola sira, bainhira eskola neebe sei menus livru, nee ita haruka sira foti tan, nee ba ensinu baziku, nee duni fahe ona livru manual ba ita nian eskola lima ou neen mak fahe hotu ona livru, nee ensinu baziku, nee ba material espesiál,” katak nia.
Nia dehan, apoiu livru manual ba ensinu baziku nee iha fulan kotuk tinan nee, nee husi ministeriu mak fo direita livru nee ba eskola ensinu baziku neebe ohin mensiona, tanba livru hirak nee importante tebes, eskola balun sei menus livru, nee presiza fo informasaun atu nunee husi Ministeriu bele fo apoiu livru.
(jac)
