DILI, STLTIMORLESTE.com – Tekniku husi Ministeriu Edukasaun (ME) hahu sukat ona, aumenta sala de aula 8 ba estudante iha Ensinu Baziku Sentral (EBC – sigla português) Manleuana.
Dehan Diretor EBC, Manleua Carlos Correia ba ba STL iha nia knaar fatin Manleu, Tersa nee (18/02/2025).
“Ami nian pedidu ida ba ME atu aumenta sala de aula nee sira mai sukat tiha ona, atu aumenta ami nian sala 8, nee duni tekniku husi ME mak mai sukat tiha ona, nee sira mai sukat iha fulan kotuk liu ba, neebe sira mai sukat dala rua ona iha ami nian eskola, konstrusaun sala foun nee 8, halo andar leten 4 no kraik 4, nee sufisiente ona ba ami, tanba ami fahe ba turnu tolu,” nia afirma.
Nia dehan, total estudante husi eskola ida nee hamutuk 1.888, profesores hanorin 49, sala aprendizajen hamutuk 15, bainhira aumenta tan sala 8 nee ba sira sufisiente ona.
Nunee mos Koordenador Pre Eskolar Sagrada Familia Vila Verde, Cornelio A. Soares hatete, sira husu ME atu aumenta sala de aula ba estudante sira, tanba kada tinan numeru estudantes sempre aumenta beibeik, no sala limitadu ba estudantes sira, sala neebe daudaun nee estudantes sira uza lori triplek mak fahe ba halo sala.
“Ami husu ME atu aumenta sala de aula ba estudante sira,.tanba kada tinan numeru estudantes sempre aumenta beibeik, no sala limitadu ba estudantes sira, sala neebe daudaun nee estudantes sira uza lori triplek mak fahe ba halo sala,” nia dehan.
Cornelio dehan, aleinde sala de aula, husu ME presiza halo moru neebe mak diak, atu nunee bele asegura estudante sira, tanba eskola ida nee besik hela estrada ibun, maibe daudaun nee sira iha portaun para dader estudante sira tama eskola, nee bele taka ona portaun nee.
(jac)
