DILI, STLTIMORLESTE.com – Komandante Komponente Naval, Comodoro Higinio da Neves hatete, membru FALINTIL-Forsa Defeza Timor Leste (F-FDTL) nain 4 daudaun tuir formasaun militar iha Akademia Militar (AKMIL) Magelan, Indonezia.
Nia dehan, membru Forsa Armada Timor Leste nain 4 kompostu husi Komponente Naval nain 1, Komponente Aero Lijeira nain 1 no Komponente Terreste nain 2.
“Sira ba estuda iha idak-idak nia espesialidade, neebe mak sira iha ba”, hatete Komandante Komponente Naval, Comodoro Higinio da Neves ba STL iha Komponente Nava Hera, Dili, Domingu (12/1/2025).
Komandante Komponente Naval, Comodoro Higinio hatutan, membru militar sira nee ba estuda ba siensia militar durante tinan 3. F-FDTL ba oin kompromete katak sei kontinua kooperasaun ho Governu Forsa Defeza Indonezia liu husi programa kooperasaun teknika Militar neebe hanaran Idonezia Timor Leste INAMOR neebe ho nunee mak haruka militar sira hodi haruka membru F-FDTL Formasaun militar nunee hasae liu tan militar sira nia konhesimentu iha siensia militar nian.
“Sira ba partisipa formasaun iha akademia militar iha Indonezia no ba estranjeiru nian Indonezia foin loke, ita autoriza Timoroan bele partisipa”, nia informa.
Antes nee mos Ministru Defeza (MD), Donaciano do Rosário da Costa Gomes “Pedro Klamar Fuik’ deklara, tinan 20 resin ona, permeiru dahuluk militar nain 3 foin susesu iha sira nia estadu iha Akademia Militar Portugal.
“Foin permeira ves, depois 20 anos dezenvolvimentu iha ita nia forsa, foin militar nain tolu nee mak iha susesu, tanba kadaves ita haruka ba rai liur, mais iha Portugal foin primeira ves sira nain 3 mak foin iha rezultadu pozitivu, tanba ba fou-foun sira nain 4 mak ba, maibe ida fila tiha depois hela nain 3, no sira nain 3 dezenvolve sira nia kapasidade ho sakrifisiu hotu-hotu neebe sira halo, hanesna akademi sira forma militarmente,” dehan governante nee.
(jen)