DILI, STLTIMORLESTE.com – Ministeriu Edukasaun (ME) liu husi Diresaun Ensinu Tekniku Vokasional (TEkvo) halao seminariu nasional, konvida orador husi Indonezia no iha rai laran hodi fahe espriensia ba dirijenti husi Ensinu Tekvo.
Seminariu nasional kona-ba investimentu Ensinu Tekniku Vokasional impulsionar kresimentu ekonomiku jestaun rekursu maritimos e cafeiculura, neebe halao iha salaun Ian Martin Balide, abertura husi Sekretariu Estadu Ensinu Sekundariu Jeral no Ensinu Sekundariu Tekniku Vokasional, Domingos Lopes Lemos.
Haktuir Sekretariu Estadu Ensinu Sekundariu Jeral no Ensinu Sekundariu Tekniku Vokasional, Domingos Lopes Lemos ba jornalista sira iha salaun Ian Martin Balide, Kuarta nee (04/06/2025).
“Ohin Diresaun Ensinu Tekniku Vokasional realiza seminariu nasional ba tekvo sira, seminariu nasional nee ninia objetivu atu fahe espriensia husi matenek sira ka peritu sira mai husi Indonezia no husi ita nian rai laran, seminariu nee ita halao ba Ensinu Tekvo, tanba nee mak ami konvida diretamente Diretor Eskola Tekvo nian ajuda tantu sira husi munisipiu, maibe eskola nee laos publiku deit, maibe privadu no katolika sira mos mai hotu, nee mak ohin ita konvida mai hotu iha nee,” dehan nia.
Nia dehan, planu neebe mak iha 200 resin profesores neebe mak agora fo konvite sira mai partisipa iha seminariu ida nee, anibel tekvo iha teritoriu laran hodi bele mai partisipa iha seminariu importante ida nee. Ho onra boot no sentimentu responsabilidade neebe klean, iha Semináriu Nasionál “Investimentu iha Ensinu Tékniku Vokasionál atu Hariku Kresimentu Ekonómiku liu husi Jestaun Rekursu Marítimu no Kafeikultura”. Eventu ne’e ohin loron halibur iha INFORDEPE, hanesan inisiativa ida tan husi Direção Nacional do Ensino Secundário Técnico Vocacional (DNESTV), ho objetivu atu oferese ba dirijente eskolar sira formasaun neebe bele fo apoiu ba dezenvolvimentu ba Eskola Tekniku Vokasional sira.
“Ita sei diskute pilar fundamentál rua ba ita nia dezenvolvimentu sustentavel, rekursu marítimu no kafeikultura. Timor Leste, ho ninia tasi-ibun naruk no rai fertil, iha potensia boot iha setor sira nee. Maibe, atu poténsia nee bele sai prosperidade no kresimentu ekonomiku, ita presiza forsa trabalhu ida neebe kualifikadu, inovativu no preparadu ba dezafiu iha sekulu XXI,” dehan nia.
Nia akresenta, iha nee mak Ensinu Sekundariu Tekniku Vokasional (ESTV) iha papel kruzial. ESTV laos deit dalan ba empregu, maibe nia mak baze ba sustentabilidade dezenvolvimentu nasionál.
Ho investimentu iha ESTV, investe diretamente joven sira nia kualidade, kapasita sira ho konhesimentu pratiku no abilidade teknika sira neebe presiza atu transforma ekonomia.
“Ohin ita sei iha oportunidade atu aprende husi esperiensia no konhesimentu husi oradór konvidadu sira. Reitor Mateus de Jesus husi ETCI sei fahe ninia konhesimentu kona-ba Konservasaun no Kultivu Kafé atu melhora Komunidade Ermera nia moris di’ak. Kafeikultura laos deit setor agrikultura ida ba ita, maibe ida nee parte husi ita nia identidade no fonte sustentabilidade importante ba família barak. Ninia refleksaun sira sei importante tebes atu garante katak ita nia kafé kontinua buras no fo benefisiu ba ema hotu.Husi parte seluk, ita nia rekursu marítimu boot sira hatudu promesa boot ida. Señor Kuntjoro Basuki sei lori ninia esperiensia husi Jember kona-ba Esplorasaun no Jestaun ba Rekursu Tasi no Peskas hodi Hasae Bem Estar Komunidade. Oinsa ita jere ita nia tasi sei determina ninia sustentabilidade no ita nia kbiit atu aproveita benefísiu ekonómiku sira. Importante atu hanoin katak husi 1 to’o 8 Junhu 2025 ita selebra Semana Mundiál Oseanu nian, ne’ebé lansa husi Sua Exelénsia Primeiru Ministru Kay Rala Xanana Gusmão, ho atividade limpeza jerál iha área Tasi Tolu nian. Ida ne’e reforsa relevánsia husi diskusaun sira ohin nian,” nia esplika.
Iha fatin hanesan, Kuntjoro Basuki hanesan Diretor Smk Perikanan Kelautan Puger Jembe Indonesia, nudar orador ba iha seminariu nee dehan, iha dader ida nee hanesan oportunidade ida atu fahe espriensia, oinsa Indonezia loke ensinu tekvo.
“Hingga Indonesia sekarang, kami di sini untuk membagi TL melalui vokasi, itu yang ke depan kita seringkan bagi kementerian pendidikan, bagaimana membangun pendidikan vokasi di Timor Leste. Saya sangat senang sekali dan saya sangat intres, karena Timor Leste saudara muda kami atau saudara mudah Indonesia,” dehan nia
(jac)
